2020નું વર્ષ આ ખુરસી જેવું છે!
સોશ્યલ મીડિયા પર એક તૂટેલી ખુરસીનો ફોટો વાઇરલ થયો છે
સોશ્યલ મીડિયા પર એક તૂટેલી ખુરસીનો ફોટો વાઇરલ થયો છે. આમ તો એમાં પહેલી નજરે જોઈએ તો કશું નવીન નથી, પરંતુ એના પર થયેલી અવનવી કમેન્ટ્સે આ ખુરસીની તસવીરને ખાસ બનાવી દીધી છે. અત્યારે લૉકડાઉનમાં કોરોનાને કારણે દુખી લોકોને આ તૂટેલી ખુરસીમાં પણ પોતાની હતાશા નજરે પડે છે. કોઈકે લખ્યું છે કે અસ્સલ ૨૦૨૦નું વર્ષ હોય એમ આ ખુરસી પડી છે! તો કોઈકે લખ્યું કે કોઈ દુખી માણસ બન્ને પગ આગળ કરીને બેઠો હોય એવું લાગે છે. વિવિધ કમેન્ટ્સની સાથે લોકો રમૂજી મીમ પણ બનાવી રહ્યા છે. કોઈકે લખ્યું છે કે આ કોઈ ઍનિમેટેડ ફિલ્મનું પાત્ર હોય જે દુખી થઈને જમીન પર પગ લંબાવીને બેઠું હોય એમ લાગે છે. કોઈકે લખ્યું કે ૨૦૨૦નું વર્ષ આમ જ બેસી ગયું છે, એને કોઈ ઉઠાડો.