જપાનમાં વેચાય છે અનેક વર્ષો પહેલાં બ્રુ કરેલી કૉફી, કિંમત છે આટલી

જપાનમાં વેચાય છે અનેક વર્ષો પહેલાં બ્રુ કરેલી કૉફી, કિંમત છે આટલી

કૉફી

વાઇન જેટલો જૂનો એટલો સારો કહેવાય, પણ કૉફી તો ફ્રેશ જ સારી લાગે. જોકે આ વાત જપાનના ઓસાકા શહેરના ધ મંચ નામની કૉફીશૉપ ધરાવતા કાન્જી ટનાકા નામના ભાઈને લાગુ નથી પડતી. આ ભાઈએ લાકડાના બેરલમાં કૉફીને પણ એજિંગ પ્રોસેસ કરાવીને રાખી છે અને એ જ વેચે છે. કાન્જીકાકા હવે તો બુઢા થઈ ગયા છે, પરંતુ યંગ એજમાં એટલે કે દાયકાઓ પહેલાં તેઓ એક વાર આઇસ કૉફીની એક તૈયાર બૅચ ફ્રીજમાં ભૂલી ગયેલા. છ મહિના પછી જોયું તો એ ફેંકી જ દેવી પડે એવું લાગ્યું. જોકે તેમને થયું કસ્ટમર્સને તો આ કૉફી સર્વ નહીં થાય, પણ જરા ટેસ્ટમાં એ કેવી લાગે છે એ ચાખી જોઈએ. નવાઈની વાત એ હતી કે જૂની કૉફી ચાખવામાં બહુ જ ટેસ્ટી હતી અને ખાસ ફ્લેવર એમાં ઉમેરાઈ હતી. તેને સમજાયું કે તેની મહિનાઓ જૂની કૉફી પણ પી શકાય એવી છે એટલું જ નહીં, એની ખાસ ફ્લેવરને કારણે એ તેની યુનિક આઇટમ બની શકે એમ છે.

આ પણ વાંચો : દુર્લભ બીમારીને કારણે પોલકાં-ડૉટ ધરાવતું બેબી ઝિબ્રા જોવા મળ્યું કેન્યામાં

ADVERTISEMENT

હવે તે વીસ વર્ષ જૂનાં કૉફીના કાચાં બીન્સ લે છે અને એમાંથી કૉફી તૈયાર કરીને લાકડાના બેરલમાં બ્રુ થવા માટે મૂકી રાખે છે. આ ચોક્કસ પ્રક્રિયાને કારણે કૉફીની કડવાશ ઘટી જાય છે અને શુગર સિરપ જેવી ઘટ્ટતા આવે છે જેને કારણે ફ્લેવર ઊભરી આવે છે. હવે આવી જૂની કૉફી પીવાનું અહોભાગ્ય છે કેમ કે એ ટેસ્ટ કરવા ખિસ્સામાં કાણું પડી જાય એમ છે. આવી એક કૉફીનો મગ ૯૦૦ ડૉલર એટલે કે ૬૨,૦૦૦ રૂપિયામાં છે.