બે લાખ રૂપિયા વૉશિંગ મશીનમાં ધોયા, સૂકવવા અવનમાં મૂકતાં બળી ગઈ

Published: Aug 05, 2020, 07:14 IST | Gujarati Mid-day Correspondent | South Korea

સાઉથ કોરિયાની એક વ્યક્તિને કોરોના-ઇન્ફેક્શનનો એટલોબધો ડર લાગ્યો કે તેણે લગભગ બે લાખ રૂપિયાની ચલણી નોટો વૉશિંગ મશીનમાં ધોઈ નાખી હતી.

બે લાખ રૂપિયા વૉશિંગ મશીનમાં ધોયા
બે લાખ રૂપિયા વૉશિંગ મશીનમાં ધોયા

સાઉથ કોરિયાની એક વ્યક્તિને કોરોના-ઇન્ફેક્શનનો એટલોબધો ડર લાગ્યો કે તેણે લગભગ બે લાખ રૂપિયાની ચલણી નોટો વૉશિંગ મશીનમાં ધોઈ નાખી હતી. આવું ધોવાણ કરનાર પુરુષ છે કે સ્ત્રી એ સ્પષ્ટ થયું નહોતું, પરંતુ કુટુંબના સભ્યના અવસાન નિમિત્તે શોક વ્યક્ત કરવા ગયેલા લોકોએ સહાય કે સહાનુભૂતિરૂપે આપેલા એ પૈસા (કોન્ડોલન્સ મની) હતા. ઘણાબધા લોકોએ આ ચલણી નોટો આપેલી એટલે એના પર કોરોનાના અંશ હશે એવું ધારીને  આ વ્યક્તિએ વૉશિંગ મશીનમાં નોટો નાખીને ધોઈ નાખી હતી. અલબત્ત એનું પરિણામ તો સારું ન હોય એ સ્વાભાવિક છે. ધોવાણ બાદ ભાગ્યે જ કોઈ ચલણી નોટ સારી સ્થિતિમાં હતી. હજી આટલું ઓછું હોય એમ તેણે ભીની થઈ ગયેલી નોટોને અવનમાં મૂકીને સૂકવવાની કોશિશ કરતાં એ અડધીપડધી બળી ગઈ હતી. આવી નોટને રિપ્લેસ કરી આપવાની બૅન્કે પણ ના પાડી દીધી હતી.

Loading...
 
 
Loading...
Loading...
This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK