૨૦ કિલો ઊનવાળા જંગલમાં ભટકતા આ ઘેટાનું ફેસબુક-પેજ પણ છે
મળો ભાગેડુ ઘેટાંને
છેલ્લાં પાંચ વર્ષથી જંગલમાં રહેતું ભાગેડુ ઘેટું એના શરીર પર ૪ એલબી (અંદાજે ૨૦ કિલો) વાસ મારતું ઊન લઈને ફરે છે જે જંગલમાંનાં વરુ અને અન્ય જંગલી જાનવરોથી એનું રક્ષણ કરે છે. આ ઘેટું ઘણી વાર થુરુંગિયાના સેન્ટ્રલ જર્મન રાજ્યમાં સ્થિત જોનાસ વૅલીના જંગલમાં દેખાતું હોય છે. ઘણી વાર કાર-ડ્રાઇવરોને આ ઘેટું દેખા દે છે, પણ પછી તરત જ જંગલમાં પલાયન થઈ જાય છે.
આ ઘેટાએ એટલી સનસનાટી સર્જી છે કે એનું ફેસબુક પર પેજ છે. જંગલમાં જ ખોરાક મળી રહેતાં આ ઘેટું એણે પસંદ કરેલા ઘરમાં આરામ ફરમાવતું હોય છે. એના શરીર પરના લગભગ ૨૦ કિલો વજનના ઊન અને એની વાસથી જ જંગલી જાનવરો એનો શિકાર કરવાથી દૂર રહેતાં હશે. એક સ્થાનિક ભરવાડના મતે આ ઘેટા પરનું ઊન ઉતારી લેવું જોઈએ. ઊન પાણી શોષી લેતું હોવાથી ઘેટું માંદું પડી શકે છે. આ ઊન જંગલમાં ઝાડીઝાંખરામાં ફસાઈને ઘેટાના મૃત્યુનું કારણ પણ બની શકે છે. આ ભાગેડુ ઘેટાને પ્રથમ વાર જોનારા ક્રિસ્ટિન બાયરે એનું ફેસબુક-પેજ બનાવી એના શરીર પરના ઊનનાં ગૂંચળાંઓને જોઈ તેને મૅગી નામ આપ્યું છે.