સોશ્યલ મીડિયામાં નવી ગુહારઃ આ રોટીવાલી અમ્મા માટે કંઈક કરો
રોટીવાલી અમ્મા
થોડા દિવસ પહેલાં દિલ્હીના ‘બાબા કા ઢાબા’ની વાત વહેતી થઈ હતી અને બાબાનું નસીબ ચમકી ગયું હતું. એ જોઈને આગરાના ‘કાન્જીવડેવાલે બાબા’ લાઇમલાઇટમાં આવ્યા હતા. એ પછી ફરીદાબાદના ૮૦ વર્ષના ભેલપુરીવાલા બાબાને મદદ કરવા માટે વાત ફેલાઈ. હવે આગરાનાં ‘રોટીવાલી અમ્મા’ના વિડિયોને પોસ્ટ કરીને તેમને મદદ કરવાની ગુહાર નેટિઝન્સને લગાવાઈ રહી છે. આ અમ્મા જસ્ટ વીસ રૂપિયામાં રોટલી, દાળ, ભાત અને શાક એમ આખી થાળી વીસ રૂપિયામાં વેચે છે. છેલ્લાં પંદર વર્ષથી તેઓ આ વિસ્તારમાં રોટીવાલી અમ્મા તરીકે જાણીતાં છે, પણ એમ છતાં લૉકડાઉનમાં તેઓ પોતાનું પેટિયું રળી શકે એવી સ્થિતિમાં રહ્યા નથી. પતિના મૃત્યુ બાદ દીકરાઓએ તેમને છોડી દીધાં છે એટલે તેઓ આ ઉંમરે પણ આકરી મહેનત કરીને પોતાનું ગુજરાન ચલાવે છે.
