જાંબુડિયા લાલ રંગની હીરાની વીંટી 20.68 કરોડમાં વેચાતાં વિક્રમ સર્જાયો

સ્વિટ્ઝરલૅન્ડના જીનિવામાં ક્રિસ્ટીઝ ઑક્શન સેલમાં જાંબુડિયા લાલ રંગનો હીરો જડેલી વીંટી ૨.૭૭ મિલ્યન ડૉલર (અંદાજે ૨૦.૬૮ કરોડ રૂપિયા)ની કિંમતે વેચાતાં વિશ્વવિક્રમ નોંધાયો હતો. ૧.૦૫ કૅરેટનો હીરો જે કિંમતે વેચાયો છે એ કૅરેટદીઠ ભાવમાં પણ વિક્રમજનક છે. પ્લૅટિનમ અને સોનાથી જડેલી એ વીંટી પર મુખ્ય રત્નની બાજુમાં  હૃદયના આકારના અન્ય બે હીરા છે. લાલ રંગના ચોક્કસ પ્રકારના હીરા જવલ્લેજ મળતા હોવાથી એ દુર્લભ મનાય છે અને એથી એ ખૂબ મોંઘા હોય છે. દુબઈમાં રહેતા મૂળ ભારતીય આશિષ વિજય જૈનની કંપની ટિયારા જેમ્સ ઍન્ડ જ્વેલરીએ જાંબુડિયા લાલ ફૅન્સી હીરાની વીંટીની ખરીદી કરી હતી.