દુર્લભ બીમારીને કારણે પોલકાં-ડૉટ ધરાવતું ઝિબ્રા જોવા મળ્યું કેન્યામાં
બેબી ઝિબ્રા
સામાન્ય રીતે ઝિબ્રાના શરીરે સફેદ અને કાળા ચટાપટા હોય છે. જોકે આફ્રિકાના એક સફારી પાર્કમાં જાણે પોલકાં-ડૉટ્સ લાગ્યાં હોય એવું બેબી ઝિબ્રા જોવા મળ્યું હતું. ટૂર ગાઇડ અને ફોટોગ્રાફર એન્ટોની ટીરાએ જ્યારે પહેલી વાર આ ઝિબ્રા જોયું ત્યારે પહેલાં તેને વિશ્વાસ જ ન થયો કે આ રિયલ હોઈ શકે. તેને લાગેલું કે કોઈકે એને પેઇન્ટ કરી દીધું લાગે છે. જોકે તેની તસવીરો વાઇરલ થયા પછી આ બચ્ચાંની એક ઝલક જોવા માટે પ્રાણીપ્રેમી લોકો અભયારણ્યના ચક્કર કાપતા થઈ ગયા છે. હકીકત એવી છે કે આ બચ્ચાંને મેલનિઝમ નામની દુર્લભ બીમારી છે જેને કારણે તેની ત્વચાના રંગમાં માત્ર નાના-નાના સ્પૉટ્સ જ દેખાય છે. મોટા ભાગે આ બીમારી સસ્તન અને ઉભયજીવી પ્રાણીઓમાં વધુ જોવા મળે છે.
આ પણ વાંચો : 96 વર્ષનાં માજી છે વિશ્વનાં સૌથી ઓલ્ડેસ્ટ મોડલ
ADVERTISEMENT
વાઇલ્ડલાઇફ નિષ્ણાત પાર્મેલ લેમેનના કહેવા મુજબ આવી બીમારી આફ્રિકાના પાર્કમાં ઘણી વાર જોવા મળી છે, જોકે આનો ભોગ બનેલાં પ્રાણીઓ છ મહિનાથી વધુ જીવી નથી શકતાં.