વિશ્વપ્રસિદ્ધ પુષ્કર મેળામાં રાજસ્થાની ઘૂમર નૃત્યે રચ્યો ઇતિહાસ

Published: Nov 10, 2019, 07:47 IST | Pushkar

રાજસ્થાની ઘૂમર નૃત્યે રચ્યો ઇતિહાસઃ ૨૧૫૦ મહિલાઓએ પુષ્કરમાં એક સાથે લોકનૃત્ય કરીને રચ્યું નયનરમ્ય દૃશ્ય.

પુષ્કર મેળાનું એક દ્રશ્ય
પુષ્કર મેળાનું એક દ્રશ્ય

વિશ્વપ્રસિદ્ધ પુષ્કર મેળામાં આ વર્ષે રાજસ્થાની ઘૂમર ડાન્સે તરખાટ મચાવી દીધો. રાજસ્થાની પરિવેશમાં સજ્જ ૨૧૫૦ મહિલાઓએ એકસાથે ઘૂમર નૃત્ય કરીને વિક્રમ રચ્યો છે. કલેક્ટર વિશ્વમોહન શર્માના હસ્તે આ સામૂહિક લોકનૃત્યના આયોજનને ઇન્ડિયા બુક ઑફ રેકૉર્ડ્સનો ખિતાબ મળ્યો હતો. આ નૃત્યની તૈયારીઓ એક મહિનાથી ચાલી રહી હતી પરંતુ વહીવટીતંત્ર દ્વારા આ કાર્યક્રમને ગુપ્ત રાખવામાં આવ્યો હતો. કોરિયોગ્રાફી સ્મિતા ભાર્ગવે કરી રહી અને એમાં ભાગ લેનારી મહિલાઓને ઘૂમર ડાન્સનો વિડિયો તૈયાર કરીને મોકલવામાં આવ્યો હતો જે જોઈને મહિલાઓ ઘૂમર શીખી હતી. આ પહેલાંનો રેકૉર્ડ જોધપુરમાં ૧૭૫૦ મહિલાઓએ સાથે ઘૂમર ડાન્સ કરીને બનાવ્યો હતો જે પુષ્કરમાં તૂટ્યો હતો.

આ પણ જુઓઃ સંગીતમય રહી છે Priya Saraiyaના જીવનની સફર, મહેનતથી બનાવી છે પોતાની ખાસ ઓળખ...

દેશી-વિદેશી મહિલાઓ વચ્ચે જામી મટકા-રેસ
પુષ્કર મેળામાં અનેક સાંસ્કૃતિક કાર્યક્રમોનું આયોજન થાય છે જેમાં શનિવારે સવારે સંગીત ખુરસી અને મટકા રેસ જેવી સ્પર્ધાઓ પણ યોજાઈ હતી. નવાઈની વાત એ હતી કે એમાં દેશી-વિદેશી બધી મહિલાઓએ ભાગ લીધો હતો. જીન્સ અને ટી-શર્ટ પહેરેલી મહિલાઓ પણ કેડમાં માટલું ઊંચકીને રેસમાં દોડી હતી.

Loading...
 
 
Loading...
Loading...
This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK