Gujarati Mid-day

ઇ-પેપર

વેબસ્ટોરીઝ

વેબસ્ટોરીઝ


હોમ > સમાચાર > ચિત્ર-વિચિત્ર > આર્ટિકલ્સ > આ ઇકો-ફ્રેન્ડ્લી લાકડાની સાઇકલને તો કૅનેડાથી ઑર્ડર મળવા લાગ્યા

આ ઇકો-ફ્રેન્ડ્લી લાકડાની સાઇકલને તો કૅનેડાથી ઑર્ડર મળવા લાગ્યા

12 September, 2020 07:00 AM IST | Punjab
Gujarati Mid-day Correspondent | feedbackgmd@mid-day.com

આ ઇકો-ફ્રેન્ડ્લી લાકડાની સાઇકલને તો કૅનેડાથી ઑર્ડર મળવા લાગ્યા

લાકડાની સાઇકલ

લાકડાની સાઇકલ


કોરોના વાઇરસની મહામારીએ વિશ્વમાં અનેક લોકોના રોજગાર છીનવી લીધા છે. જોકે અનેક લોકોને કાંઈક નવું શીખવાનો મોકો પણ આપ્યો છે. પંજાબના ઝિરાકપુરના ધનીરામ સગુ નામના કાર્પેન્ટરે લૉકડાઉનમાં રોજગારવિહોણા બનેલા લોકોને આત્મનિર્ભર બનવાની પ્રેરણા આપતું ઉદાહરણ પૂરું પાડ્યું છે.

૪૦ વર્ષના આ સુથારે લૉકડાઉનમાં નોકરી ગુમાવી છે. જોકે નબળી આર્થિક પરિસ્થિતિમાં પણ ઘરે બેસીને નિરાશ થવાને બદલે તેણે નવા આઇડિયા પર કામ કરવાની ધગશ જાળવી રાખતાં લાકડાની ઇકો-ફ્રેન્ડ્લી બાઇસિકલ તૈયાર કરી છે.



આ બાઇસિકલ એટલી સુંદર બની છે કે એને ભારતમાંથી તો ઠીક, કૅનેડાથી પણ ઑર્ડર મળી રહ્યા છે. ધનીરામે એપ્રિલમાં બાઇસિકલ બનાવવાની શરૂઆત કરી હતી અને બે નિષ્ફળ પ્રયાસ પછી તેની બાઇસિકલ તૈયાર થઈ હતી.


તેણે બનાવેલી આ ઇકો-ફ્રેન્ડ્લી સાઇકલનું ૧૫,૦૦૦ રૂપિયામાં વેચાણ થઈ રહ્યું છે. વ્યવસાયે સુથાર ધનીરામનું કહેવું છે કે ‘અત્યાર સુધી મોટા ભાગે મને કબાટ, દરવાજા, માળિયા તેમ જ રિપેરિંગનાં કામ મળતાં હતાં, પરંતુ લૉકડાઉનમાં કામ છૂટી ગયા બાદ ઘરમાંથી જ ચીજો ભેગી કરીને મેં લાકડાની બાઇસિકલ બનાવી હતી અને હવે મને સાઇકલ બનાવવાના ઑર્ડર મળી રહ્યા છે.’


Whatsapp-channel Whatsapp-channel

12 September, 2020 07:00 AM IST | Punjab | Gujarati Mid-day Correspondent

App Banner App Banner

અન્ય લેખો


X
ક્વિઝમાં ભાગ લો અને જીતો ગિફ્ટ વાઉચર
This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK