હવે પાકિસ્તાની પત્રકારે બાદશાહ બનીને રિપોર્ટિંગ કર્યું
પાકિસ્તાની પત્રકારે બાદશાહ બનીને રિપોર્ટિંગ કર્યું
ગધેડા પર બેસીને રિપોર્ટિંગ કરી ચૂકેલા પાકિસ્તાનના પત્રકાર અમીન હફીઝ ફરી એકવાર ચર્ચામાં છે. આ વખતે ભાઈસાહેબે લાહોરના કિલ્લાના શાહી કિચનમાંથી રિપોર્ટિંગ કર્યું છે અને એ વખતે તેમણે બાદશાહ જેવો વેશ ધારણ કર્યો છે. આ કિલ્લો વર્લ્ડ હેરિટેજમાં શામેલ છે અને છતાં અહીં લોકો કાયદાનું ઉલ્લંઘન કરીને શાદી-બ્યાહ જેવી રસમો અહીં કરે છે. આ મામલે એક યુગલ પકડાયું છે અને એ સંદર્ભે રિપોર્ટિંગ કરતી વખતે અમીન હફીઝે બાદશાહી ઠાઠ સાથે ઘટનાનું રિપોર્ટિંગ કર્યું છે. સાવ સાદી જણાતી ઘટના હોવા છતાં આવા ગતકડાંને કારણે વિડિયોને ૨.૫ લાખથી વધુ વ્યુઝ મળ્યા છે.