એક સ્ટાર્ટ-અપ કંપની બનાવે છે કુદરતમાં ભળી જાય એવાં જીવંત કૉફિન

Published: Sep 16, 2020, 07:38 IST | Gujarati Mid-day Correspondent | Netherlands

નેધરલૅન્ડ્સની ડેલ્ફ્ટ યુનિવર્સિટી ઑફ ટેક્નૉલૉજીના વિદ્યાર્થીઓએ લૂપ નામનું સ્ટાર્ટ-અપ શરૂ કર્યું છે જે માણસના મોત બાદની પ્રક્રિયાને વધુ જીવંત અને કુદરતી બનાવે છે.

કુદરતમાં ભળી જાય એવાં જીવંત કૉફિન
કુદરતમાં ભળી જાય એવાં જીવંત કૉફિન

નેધરલૅન્ડ્સની ડેલ્ફ્ટ યુનિવર્સિટી ઑફ ટેક્નૉલૉજીના વિદ્યાર્થીઓએ લૂપ નામનું સ્ટાર્ટ-અપ શરૂ કર્યું છે જે માણસના મોત બાદની પ્રક્રિયાને વધુ જીવંત અને કુદરતી બનાવે છે. એટલું જ નહીં, માણસનું શરીર ડિકમ્પોસ્ટ થવાને કારણે પેદા થતા ઝેરી ટૉક્સિન્સનો પણ નાશ કરે છે. વિદ્યાર્થીઓએ તૈયાર કરેલા આ કૉફિન પણ થોડા જ સમયમાં માટીમાં ભળી જાય છે. માટીમાં ભળવાને કારણે એ જગ્યાએ જે વનસ્પતિ ઉગાડવામાં આવે છે એને પણ રિચ પોષકતત્ત્વો મળી રહે છે. આ કૉફિન શોધવા માટે યુનિવર્સિટીના વિદ્યાર્થીઓએ બે કબરસ્તાનોના નિષ્ણાતો સાથે મળીને અનેક પ્રયોગો કર્યા હતા. આ કૉફિન માયસેલિયમ નામના ફંગસ જેવા દેખાતા બૅક્ટેરિયામાંથી બનાવવામાં આવે છે. એને કારણે માટીમાં દાટ્યા પછી બૉડી ડીકમ્પોસ્ટ થવાની પ્રક્રિયા પણ ઝડપી બને છે અને કૉફિન પોતે પણ થોડા જ મહિનાઓમાં ઓગળીને માટીમાં ભળી જાય છે. આ બૅક્ટેરિયા માટીની ગુણવત્તાને સુધારે છે જેને કારણે આસપાસના વૃક્ષોને પોષણ મળે છે.

Loading...
 
 
Loading...
Loading...
This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK