23 વખત માઉન્ટ એવરેસ્ટ સર કરવાનો વિક્રમ સરજ્યો આ નેપાલી શેરપાએ

નેપાલ | May 16, 2019, 09:44 IST

વિશ્વનું સૌથી ઊંચું શિખર માઉન્ટ એવરેસ્ટ. જો એક વાર પણ એને સર કરવામાં આવે તોય એ મહાન કારનામું ગણાય.

23 વખત માઉન્ટ એવરેસ્ટ સર કરવાનો વિક્રમ સરજ્યો આ નેપાલી શેરપાએ
કામી રિતા શેરપા

વિશ્વનું સૌથી ઊંચું શિખર માઉન્ટ એવરેસ્ટ. જો એક વાર પણ એને સર કરવામાં આવે તોય એ મહાન કારનામું ગણાય. જોકે નેપાલના ૪૯ વર્ષના કામી રિતા શેરપાએ વિશ્વના સૌથી ઊંચા શિખરને ૨૩ વખત સર કરી લીધું છે. ધ હિમાલયન ટાઇમ્સના રિપોર્ટ મુજબ હજી ગયા વર્ષે જ કામી રિતા શેરપાએ બાવીસ વાર એવરેસ્ટ ચડીને રેકૉર્ડ બનાવ્યો હતો. ગઈ કાલે ફરી એક વાર આ જાંબાઝ અન્ય શેરપાઓની સાથે ૮૮૫૦ મીટર ઊંચા શિખરને વધુ એક વાર નેપાળ સાઇડથી આંબી આવ્યા હતા. સવારે ૭.૫૦ કલાકે તેમણે માઉન્ટ એવરેસ્ટને સૌથી વધુ વાર સર કરવાનો પોતાનો જ રેકૉર્ડ તોડ્યો હતો. કામી રિતા સોલુખુમ્બુ જિલ્લાના થામે ગામના રહેવાસી છે.

આ પણ વાંચો : ફર્નિચર તાપમાં મૂકવાની સજા રૂપે માલિકે કામવાળીને તાપમાં ઝાડ સાથે બાંધી

૨૦૧૭માં તેઓ ૨૧ વાર એવરેસ્ટ ચડનારી ત્રીજી વ્યક્તિ બન્યા હતા. આ પહેલાં અપા શેરપા અને ફુરબા તાશી શેરપા આ ઉપલબ્ધિ હાંસલ કરી ચૂક્યા હતા. જોકે ગયા વર્ષે કામી રિતાએ બાવીસ વાર શિખર સર કરીને નવો રેકૉર્ડ બનાવ્યો હતો અને આ વર્ષે ફરીથી પોતાના જ કીર્તિમાનને વધુ ઊંચો બનાવ્યો હતો.

Loading...
 
 
Loading...
Loading...
This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK