હૉલીવુડની ફિલ્મમાં મેઇન ઍક્ટર બનશે એરિકા નામની જૅપનીઝ રોબો
એરિકા
હૉલીવુડમાં ૭૦ મિલ્યન ડૉલર એટલે કે ૫.૨૯ અબજ અબજ રૂપિયાના ખર્ચે બનતી સાયન્સ ફિક્શન ફિલ્મમાં રોબોની મુખ્ય ભૂમિકા છે. જપાનના વિજ્ઞાનીઓ હીરોશી ઇશીગુરો અને કોહેઈ ઓગાવાએ બનાવેલો એ રોબો એરિકા નામે ઓળખાય છે.
ADVERTISEMENT
આર્ટિફિશ્યલ ઇન્ટેલિજન્સમાં પ્રિન્સિપલ ઑફ મેથડ ઍક્ટિંગના આધારે અભિનય કરવાની તાલીમ એ રોબોને આપવામાં આવી છે. એ ફિલ્મના નિર્માતા અને લેખક સેમ ખોઝે છે. સંખ્યાબંધ વન ટુ વન સેશન્સમાં એરિકાને હિલચાલની અને ભાવનાત્મક પાસાંની તાલીમ આપવામાં આવી હતી. ફિલ્મ માટે એરિકાનું વિશેષ રૂપે નિર્માણ કરવામાં આવ્યું હોય એ રીતે ધીમે-ધીમે એ યંત્રમાનવ ભૂમિકાને અનુરૂપ બને છે.