ગર્લફ્રેન્ડને પ્રપોઝ કરવા ભાઈસાહેબે છાતી પર છૂંદાવ્યું, વિલ યુ મૅરી મી
આ ભાઈએ છાતી પર છૂંદાવ્યું, ‘વિલ યુ મૅરી મી?’
પ્રેમનો એકરાર કરવા માટે લોકો જાતજાતના ગતકડાં કરતા હોય છે. બ્રિટનમાં પણ એક ભાઈસાહેબે પ્રેમિકાને લગ્ન માટે પ્રપોઝ કરવા માટે એકદમ હટકે કીમિયો અજમાવ્યો અને સોશ્યલ મીડિયામાં જબરા વાઇરલ થઈ ગયા. તેણે છાતી પર જ્યાં દિલ હોય એ જગ્યાએ એટલે કે સહેજ ડાબી બાજુએ ટચૂકડું ટૅટૂ છૂંદાવ્યું છે. એમાં અંગ્રેજીમાં લખ્યું છે, ‘વિલ યુ મૅરી મી?’ ગર્લફ્રેન્ડ હા કે નામાં જવાબ આપી શકે એ માટે બે બૉક્સ પણ મૂક્યાં છે. જ્યારે આ ટૅટૂ સાથે તે ગર્લફ્રેન્ડ પાસે આવ્યો એટલે પેલી તો હરખથી ઘેલી જ થઈ ગઈ. તેણે હા લખેલું જે બૉક્સ હતું એમાં લાલ પેનથી દિલ દોરીને જવાબ આપી દીધો.