તરબૂચ અને કિવીમાંથી પણ સંગીત નીકળી શકે છે

Published: Sep 05, 2020, 07:31 IST | Gujarati Mid-day Correspondent | Mumbai

જોકે સોશ્યલ મીડિયા પર એક વિડિયો વાઇરલ થયો છે જેમાં તરબૂચ, સક્કરટેટી અને કિવી ફ્રૂટની મદદથી સંગીતનું સર્જન કરવામાં આવ્યું છે.

તરબૂચ અને કિવીમાંથી સંગીત સાંભળી શકાય છે
તરબૂચ અને કિવીમાંથી સંગીત સાંભળી શકાય છે

ઘરનાં વાસણ, પીપડાં, ખાલી ડબ્બાથી મ્યુઝિક ક્રીએટ કરી શકાય, પણ ફ્રૂટના ઉપયોગથી સંગીત ઉત્પન્ન કરી શકાય એ માન્યામાં આવશે? જોકે સોશ્યલ મીડિયા પર એક વિડિયો વાઇરલ થયો છે જેમાં તરબૂચ, સક્કરટેટી અને કિવી ફ્રૂટની મદદથી સંગીતનું સર્જન કરવામાં આવ્યું છે.

music-001

ભૂતપૂર્વ બાસ્કેટબૉલ પ્લેયર રેક્સ ચૅપમૅને શૅર કરેલા આ એક મિનિટના વિડિયોમાં જોઈ શકાય છે કે એક વ્યક્તિએ ટેબલ પર તરબૂચ અને સક્કરટેટીની સ્લાઇસ બાજુબાજુમાં ગોઠવીને મૂકી છે. આ ઉપરાંત ટેબલની કિનારી પર કિવી ફ્રૂટના બે પીસ પણ મૂક્યા છે. આ ફ્રૂટમાંથી અનેક વાયર બહાર આવેલા જોઈ શકાય છે, જે એક મેટલ બોર્ડ સાથે જોડાયેલા છે. આ મેટલ બોર્ડ લૅપટૉપ સાથે જોડાયેલું છે અને મ્યુઝિક પ્લેયરના પગ પાસે એક પેડલ સાથે ડ્રમ લગાડેલું છે. એક વ્યક્તિ તરબૂચ અને સક્કરટેટીની સ્લાઇસને સિન્થેસાઇઝર-કીની જેમ વગાડી રહ્યો છે, જેમાંથી સંગીત રેલાઈ રહ્યું છે.

Loading...
 
 
Loading...
Loading...
This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK