આ ભાઈની દાઢીમાં છે ૩૫૦૦ ટૂથપિક્સ
આપણે ત્યાં કહેવત છે કે ચોર કી દાઢી મેં તિનકા. જોકે અમેરિકાના વૉશિંગ્ટન રાજ્યના લેસી ટાઉનમાં રહેતા જોએલ સ્ટ્રેસર તો દાઢીમાં તિનકા ભરાવવામાં જબરા માસ્ટર છે. આ ભાઈએ દાઢીમાં પચાસ-સો નહીં, પૂરી ૩૫૦૦ ટૂથપિક્સ ભરાવવાનો ગિનેસ વર્લ્ડ રેકૉર્ડ્સ બનાવ્યો છે. આ કામ કરતાં ભાઈને ત્રણ કલાક અને ૧૩ મિનિટનો સમય લાગ્યો હતો. એટલીબધી ટૂથપિક્સ ભરાવી દીધી છે કે એને કારણે તેની દાઢીનો એક વાળ પણ હવે જોઈ શકાતો નથી.
આ પણ વાંચો: લંડનની ટ્રેનમાં બેસીને આ ભાઈએ કપડાં ધોયાં ને સૂકવ્યા પણ ખરા
