સતત 100 દિવસ માટે કેએફસીનું મીલ ખાવાની પ્રતિજ્ઞા લીધી છે આ ભાઈએ

Published: 9th October, 2020 07:31 IST | Gujarati Mid-day Correspondent | Australia

ઑસ્ટ્રેલિયામાં રહેતા સીમસ મર્ફી નામના ભાઈ જન્ક-ફૂડની ચેઇન રેસ્ટોરાં કેએફસીનો જબરો ચસકો છે.

આ ભાઈને જન્ક-ફૂડની ચેઇન રેસ્ટોરાં કેએફસીનો જબરો ચસકો છે
આ ભાઈને જન્ક-ફૂડની ચેઇન રેસ્ટોરાં કેએફસીનો જબરો ચસકો છે

ઑસ્ટ્રેલિયામાં રહેતા સીમસ મર્ફી નામના ભાઈ જન્ક-ફૂડની ચેઇન રેસ્ટોરાં કેએફસીનો જબરો ચસકો છે. તેણે રોજ આ રેસ્ટોરાંમાં મળતું ઝિંગર બૉક્સ ખાવાનું નક્કી કર્યું છે અને પોતાના એ ઇટિંગ સેશનને સોશ્યલ મીડિયામાં લાઇવ પણ બતાવે છે. આ બૉક્સમાં ચાર-પાંચ વાનગીઓનું કૉમ્બિનેશન અને સાથે સૉફ્ટ ડ્રિન્ક્સ હોય છે. અત્યાર સુધીમાં ઑલરેડી ૪૫ દિવસ તો તેણે આ રુટિન ફૉલો કરી લીધું છે અને તેને લાગે છે કે સો દિવસ સુધી આ જ ખાવાનું ખાવામાં તેને કોઈ તકલીફ નથી પડવાની. જો સળંગ તે ૧૦૦ દિવસ આ ફૂડ ખાશે તો ટોટલ ૪,૮૬,૫૦૦ કૅલરી પેટમાં નાખશે.

આ પ્રયોગ શરૂ કર્યાને પાંચ દિવસ થયા એમાં જ તેનું વજન એક વધી ગયું હતું. એક મીલ બૉક્સ લગભગ ૬૦૦ રૂપિયાનું આવે છે એ જોઈએ તો ૧૦૦ દિવસમાં તે લગભગ ૬૦,૦૦૦ રૂપિયા એની પાછળ ખરચશે અને ઉપરથી જે કૅલરી પેટમાં પધરાવશે એનાથી તેના વજન પર શું અસર થશે એ જોવાનું રહેશે.

Loading...
 
 
This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK