પેન્સિલની અણી પર ટચૂકડું શિવલિંગ

Published: Feb 22, 2020, 07:54 IST | Odisha

ગઈ કાલે મહાશિવરાત્રિના પર્વ પર ઓડિશાના મિનિએચર આર્ટિસ્ટ એલ. ઈશ્વર રાવે શિવલિંગની બે પ્રતિકૃતિ બનાવી છે.

પેન્સિલની અણી પર શિવલિંગ
પેન્સિલની અણી પર શિવલિંગ

ગઈ કાલે મહાશિવરાત્રિના પર્વ પર ઓડિશાના મિનિએચર આર્ટિસ્ટ એલ. ઈશ્વર રાવે શિવલિંગની બે પ્રતિકૃતિ બનાવી છે. એક પેન્સિલનની અણી પર અને બીજી બૉટલની અંદર પથ્થરની છે. ૦.૫ ઇંચ ઊંચું શિવલિંગ પથ્થરમાંથી બન્યું છે અને ૦.૫ સેન્ટિમીટરનું શિવલિંગ પેન્સિલની અણી પર કોતર્યું છે.

આ પણ વાંચો : આ તો ભાઈ જબરી બાઈ! : એક જ મિનિટમાં 7 ફ્રાઇંગ પૅન્સ વાળી નાખ્યા

ઈશ્વર રાવ ભુવનેશ્વરથી ૨૦ કિલોમીટર દૂર જટણી ગામમાં રહે છે અને મિનિએચર કોતરણીઓ કરવામાં કુશળ છે. તેમના કહેવા મુજબ આ ખૂબ જ મુશ્કેલ કામ છે. પથ્થર પર કોતરણી કરતાં તેમને બે દિવસ લાગ્યા હતા અને પેન્સિલ પરની કોતરણી એક જ દિવસમાં તેમણે કરી હતી. ઈશ્વર રાવનું કહેવું છે કે આ કાર્યમાં એકાગ્રતા ઉપરાંત લાંબા સમયનો અભ્યાસ પણ જોઈએ. આ પહેલાં રાવે પેન્સિલની અણી પર આંબલીના બિયાથી વર્લ્ડ કપ ટ્રોફી બનાવી હતી. ગયા વર્ષે ક્રિસમસ પછી તેમણે એક બૉટલની અંદર ચર્ચ બનાવ્યું હતું.

Loading...
 
 
Loading...
Loading...
This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK