સોશ્યલ મીડિયા પર વાઇરલ થઈ મૅગી પાણીપૂરી
મૅગી પાણીપૂરી
જાતજાતની ફ્યુઝન ડિશ બનાવવાના આપણે શોખીન છીએ એટલે આજકાલ સોશ્યલ મીડિયા પર અવનવી રેસિપી બહુ ફરતી જોવા મળે છે. પાણીપૂરી લગભગ સૌનું પ્રિય સ્ટ્રીટ-ફૂડ છે. આવી જ ક્રીએટિવિટીના ભાગરૂપે એક ટ્વિટર-યુઝરે મૅગી પાણીપૂરીનો ફોટો પોસ્ટ કર્યો છે. જોકે આ ક્રીએટિવિટીથી પાણીપૂરીના રસિકો જબરા નારાજ થયા છે. આ ટ્વિટર-યુઝરે પાણીપૂરીમાં ચમચીથી મૅગી નૂડલ્સ ભરતો વીડિયો પણ પોસ્ટ કર્યો છે. મૅગી પાણીપૂરી જોઈને આઘાત પામેલા સોશ્યલ મીડિયાના યુઝર્સે આ અખતરાને વર્ષ ૨૦૨૦ કરતાં પણ ભયાનક ગણાવ્યો છે, તો કેટલાક યુઝર્સે આ અખતરાને વખાણ્યો પણ છે. જોકે અમુકે કહ્યું છે કે આ ફોટો અને વિડિયો જોયા બાદ હવે કદાચ ક્યારેય પાણીપૂરી મારું પ્રિય સ્ટ્રીટ-ફૂડ નહીં રહે.