જાણો કેવી રીતે આ ગરીબ પરિવાર રાતોરાત કરોડપતિ બની ગયો

Published: 20th November, 2020 07:43 IST | Gujarati Mid-day Correspondent | Indonesia

ગરીબ પરિવારને ભગવાને સાચે જ છપ્પર ફાડીને આપ્યું ને ખરેખર રાતોરાત કરોડપતિ બનાવી દીધા

આ પરિવાર રાતોરાત કરોડપતિ બની ગયો
આ પરિવાર રાતોરાત કરોડપતિ બની ગયો

એક કહેવત છે કે ‘ભગવાન જ્યારે આપે છે છપ્પર ફાડીને આપે છે’ પણ ઇન્ડોનેશિયાના કૉફિન બનાવનાર ૩૩ વર્ષના જોશુઆ હુતાગલુન્ગને ભગવાને સાચે જ આકાશમાંથી એક અણમોલ ખજાનો વરસાવીને પલકારામાં કરોડપતિ બનાવી ઉત્તરીય સુમાત્રાના કોલાંગમાં રહેતો જોશુઆ તેના ઘરની બાજુમાં કામ કરી રહ્યો હતો એ વખતે અચાનક જ આકાશમાંથી એક મોટો ઉલ્કાપિંડ પડ્યો હતો. સાડાચાર અબજ વર્ષ જૂના આ દુર્લભ ઉલ્કાપિંડનું વજન લગભગ ૨.૧ કિલો છે. ઉલ્કાપિંડ પડવાથી જોશુઆના ઘરની છતમાં કાણું પડી ગયું હતું અને ઘરના ભોંયતળિયામાં પણ એ ટુકડો ઊંડે સુધી ખૂંપી ગયો હતો. જોશુઆએ જમીનમાં ખાડો ખોદીને આ ઉલ્કાપિંડ કાઢ્યો ત્યારે પણ તે ખૂબ ગરમ હતો. આ ઉલ્કાપિંડની કિંમત એક ગ્રામના ૮૫૭ અમેરિકન ડૉલર એટલે કે લગભગ ૬૩,૬૫૦ રૂપિયા છે. આ ગ્રામદીઠ વજન કરતાં જોશુઆને લગભગ ૧૦ કરોડ રૂપિયા મળ્યા હતા. જો જોશુઆએ ૩૦ વર્ષ સુધી કાળી મજૂરી કરી હોત અને એકેય રૂપિયો ખર્ચ્યો ન હોત તો પણ આટલા રૂપિયા એકઠા ન થયા હોત. ત્રણ સંતાનના પિતા જોશુઆને તો રાતોરાત લૉટરી લાગી ગઈ છે. જોકે તે સંતાનોના ભણતરના રૂપિયા બાજુએ રાખીને આ પૈસામાંથી એક ચર્ચ બનાવવા માગે છે

Loading...
 
 
This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK