સ્ટેશન પર ટ્રેન અટકી પડતાં પોલીસ પ્રવાસીના બાળક માટે ઘરેથી દૂધ લઈ આવી
પ્રવાસીના બાળક માટે ઘરેથી દૂધ લઈ આવી મહિલા પોલીસ
ઝારખંડના હતિયા સ્ટેશન પર એક મહિલા રેલવે-પોલીસને તેના બાળક માટે દૂધની વ્યવસ્થા કરવા વિનંતી કરી રહી હતી. તેની વાત સાંભળીને સ્ટેશનની નજીકમાં જ ઘર ધરાવતી આ મહિલા પોલીસ અધિકારી ઘરેથી બૉટલમાં દૂધ ભરીને લઈ આવી હતી. રાંચીના ડિવિઝનલ રેલવે મૅનેજરે આ ઘટનાને ટ્વિટર પર શૅર કરી છે.
ચાર મહિનાના બાળક સાથે બૅન્ગલોરથી ગોરખપુર પ્રવાસ કરી રહેલી મેહરુન્નિસાએ હતિયા સ્ટેશન પર રેલવે-પોલીસને તેના બાળક માટે દૂધની વ્યવસ્થા કરવા વિનંતી કરી હતી. અસિસ્ટન્ટ સબ-ઇન્સ્પેક્ટર સુશીલા બરૈકે આ વાત સાંભળતાં પોતાનાથી બનતી મદદ કરવા તેણે સ્ટેશનથી નજીક આવેલા પોતાના ઘર ભણી દોટ લગાવી હતી. તે ઘરે જઈને બાળક માટે દૂધ લઈ આવી હતી.