લો બોલો, બે કલાક સુધી આ ભાઈએ કાંઈ ન કર્યું : એનો વિડિયો પણ વાઇરલ થયો છે

Published: 31st July, 2020 07:09 IST | Gujarati Mid-day Correspondent | Indonesia

મોહમ્મદનો વિડિયો જોઈને શક્ય છે કે હવે ઇન્ટરનેટ પર ચાર-પાંચ કે કદાચ આઠ કલાક સુધી કૅમેરા સામે બેસી રહીને કાંઈ ન કરવાના વિડિયોની ભરમાર લાગે તો નવાઈ નહીં.

મોહમ્મદ દિદિત
મોહમ્મદ દિદિત

લૉકડાઉનમાં લોકો પોતે શું કર્યું એના વિડિયો પોસ્ટ કરે છે અને નેટિઝન્સ એને પસંદ પણ કરે છે, પણ ઇન્ડોનેશિયાના આ યુટ્યુબર મોહમ્મદ દિદિતે બે કલાકનો વિડિયો પોસ્ટ કર્યો છે, જેમાં તે લિટરલી કાંઈ જ નથી કરતો, બસ બે કલાક સુધી કૅમેરા સામે સતત તાકીને બેસી રહ્યો છે. મોહમ્મદનો વિડિયો જોઈને શક્ય છે કે હવે ઇન્ટરનેટ પર ચાર-પાંચ કે કદાચ આઠ કલાક સુધી કૅમેરા સામે બેસી રહીને કાંઈ ન કરવાના વિડિયોની ભરમાર લાગે તો નવાઈ નહીં. આ વિડિયોને ૧૫ લાખ વ્યુઝ મળ્યા છે તેમ જ એના પર અગણિત મેમ્સ બન્યા છે. જોકે રાતોરાત ઇન્ટરનેટ-સેન્સેશન બનેલા ૨૧ વર્ષના મોહમ્મદનું કહેવું છે કે મેં મારા વ્યુઅર્સની રિક્વેસ્ટને પગલે આ વિડિયો અપલોડ કર્યો હતો. શરૂઆતમાં મોહમ્મદ માત્ર પાંચથી દસ મિનિટનો જ વિડિયો બનાવવાનો હતો, પણ પછી એમાં તેને આનંદ આવ્યો અને વિડિયો બે કલાક જેટલો લાંબો થઈ ગયો. ખાવા-પીવાનું અને અન્ય નૈસર્ગિક જરૂરિયાત નિપટાવીને બેસવા છતાં મોહમ્મદને ભય હતો કે વિડિયોની વચમાં તેનાં મમ્મી-પપ્પા તેને બોલાવે નહીં. જોકે તે તો ઇગ્નોર જ કરવાનો હતો, પણ એવું કાંઈ થયું નહીં. હકીકત એ છે કે મોહમ્મદને પોતાને પણ વિડિયો આટલો વાઇરલ થશે એની ખાતરી નહોતી.

Loading...
 
 
This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK