સાપને જીભડી બતાડી તો સાપે જીભ જ ખેંચી લીધી

સાપને જીભડી બતાડી તો સાપે જીભ જ ખેંચી લીધી

સાપને જીભડી બતાડી તો સાપે જીભ જ ખેંચી લીધી

ઇન્ડોનેશિયાના મકાસ્સારમાં એક ટીનેજ છોકરો પકડેલા સાપ સાથે મસ્તી કરવા ગયો અને મસ્તી મોંઘી પડી. આ ઘટનાનો વિડિયો સોશ્યલ મીડિયા પર જબરો વાઇરલ થયો છે. એક યુવકે સાપને પકડેલો છે અને બીજા ભાઈસાહેબ એ સાપના મોં સામે જોઈને જીભડી કાઢીને ચીડવી રહ્યા છે. સાપને કદાચ પોતાની જેમ બીજું કોઈ જીભ કાઢે એ પસંદ નહીં હોય એટલે તેણે ઝડપ મારીને પેલા યુવકની જીભને જ પકડી લીધી. પકડ એટલી મજબૂત હતી કે સાપને ખેંચવા છતાં એ જીભ છોડતો નહોતો. યુવકની પીડાનો પાર નહોતો. તેણે પીડાથી આંખો બંધ કરી દીધી અને સિસકારા બોલાવવા માંડ્યા પણ સાપે મચક આપી નહીં.

આ પણ વાંચો : વિશ્વવિખ્યાત ઘેટાંનું થયું મૃત્યુ, આ કારણે ગિનિસ બુકમાં નોંધાયું નામ

ADVERTISEMENT

વધુ અચરજ પમાડે એવી વાત એ હતી કે આ ઘટના જોનારા લોકો ખડખડાટ હસી રહ્યા હતા. થોડીક વારે યુવકની આંખમાંથી આંસુ નીકળવા માંડ્યા અને તે સાવ ઢીલોઢસ થઈ ગયો ત્યારે સાપે પણ જાણે સબક શીખવાડીને પકડ છોડી દીધી હતી.