ભારતની પહેલવહેલી ઑલ વુમન કન્સ્ટ્રક્શન કંપની છે કેરળમાં

ભારતની પહેલવહેલી ઑલ વુમન કન્સ્ટ્રક્શન કંપની છે કેરળમાં

વુમન કન્સ્ટ્રક્શન કંપની છે કેરળમાં

કોઈ પણ બિ‌લ્ડિંગનું બાંધકામ ચાલતું હોય ત્યારે સાઇટ પર પુરુષો જ વધુ હોય. નાનુંમોટું કામ કરવા માટે મહિલાઓ હોય, પણ એ હેલ્પર હોય. જ્યારે કેરળની મહિલાઓએ આ ટ્રેન્ડને સાવ બદલી નાખ્યો છે. ૩૦ મહિલાઓએ ભેગી મળીને એક કન્સ્ટ્રક્શન કંપની બનાવી છે જેમાં બાંધકામને લગતાં તમામ કામ મહિલાઓ જ કરે છે. સુપરવાઇઝર, આર્કિટેક્ટ, કડિયાકામ, મિસ્ત્રીકામ, પેઇન્ટિંગથી લઈને તમામ કામ મહિલાઓ જ કરે છે. કંપનીનું નામ છે પિન્ક લેડર. આ કંપનીમાં એક પણ પુરુષ કામ નથી કરતો. ડિઝાઇન તૈયાર કરવાથી માંડીને ઘરને પેઇન્ટિંગ કરવા સુધીનું કામ સ્ત્રીઓ જ કરે છે. નવેમ્બર ૨૦૧૮માં કંપનીની શરૂઆત થઈ હતી અને અત્યાર સુધીમાં બે મકાન બનાવી ચૂકી છે. હાલમાં આ કંપની પાસે બીજાં ત્રણ મકાનોનું કામ છે. પિન્ક લેડરની નીતુ રાજન નામની મહિલાનું કહેવું છે કે પોતાનું સ્વતંત્ર કામ શરૂ કરતાં પહેલાં તેમણે ૬ મહિના માટે ફ્લોરિંગ, પેઇન્ટિંગ, મિસ્ત્રીકામ એમ અલગ-અલગ કામની ટ્રેઇનિંગ લીધી હતી અને એ પછીથી તેમણે સ્વતંત્ર કામ લીધું અને સાથે મળીને પૂરું કર્યું. એ પછી તો નવા પ્રોજેક્ટ મેળવવાનું સરળ બની ગયું.

આ પણ વાંચો : શું આ યુવતીએ બાળક સાથે લગ્ન કર્યાં ?

ADVERTISEMENT

પિન્ક લેડર સંસ્થા મહિલા સશક્તીકરણ આંદોલન ચલાવતી કુદુમ્બશ્રી મિશન અંતર્ગત શરૂ થઈ છે જેમાં સરકારની પણ મદદ છે. સ્ત્રી-પુરુષોના વેતનમાં અસમાનતા, કામના અનિશ્ચિત સમય અને કામના સ્થળે જાતીય સતામણી જેવી સમસ્યાઓથી પરેશાન થઈને બુલંદ અવાજ ઉઠાવવા માટે આ કંપની શરૂ કરવામાં આવી છે.