એક પૅરાગ્લાઇડર ઔર સાત લોગ, બહુત નાઇન્સાફી હૈ...
એક પૅરાગ્લાઇડર ઔર સાત લોગ
ફ્રાન્સના ઍનેસી ટાઉનમાં ટૂ-સીટર ગ્લાઇડર પર સાત જણે બેસીને હવામાં ઊડવાનો સ્ટન્ટ કર્યો હતો અને એ આખીય ઘટનાને વિડિયોમાં અલગ-અલગ ઍન્ગલથી કેદ કરી હતી. સ્વાભાવિક રીતે બે જણની સીટ ધરાવતા ગ્લાઇડર પર સાત જણ એમ જ બેસે તો એ હવામાં ઊડી જ ન શકે, પરંતુ એ માટે ગ્લાઇડરની વિન્ગને વધુ પહોળી કરવામાં આવી હતી. વિન્ગમાં ૧૧૩૦ સ્ક્વેર ફુટનું ફૅબ્રિક હતું તેમ જ બધી જ તરફનું બૅલૅન્સ બરાબર જળવાય એ માટે છ જણનું એક સર્કલ તૈયાર કરવામાં આવેલું. આ છ જણની ઉપર એક પાયલટ હતો જે તેમની ઉપરની સીટ પર બેસીને ગ્લાઇડરને કન્ટ્રોલ કરી રહ્યો હતો. નીચે બેઠેલામાંથી એક જણે સેલ્ફી-સ્ટિક દ્વારા અને એક ગો-પ્રો કૅમેરા દ્વારા આ સ્ટન્ટને કૅમેરામાં લીધો હતો. સાતેય દોસ્તો લગભગ ૪૦ મિનિટ સુધી હવામાં વિહર્યા હતા અને ૫૪૧૩ ફુટની ઊંચાઈએ વિહરીને હેમખેમ પાછા આવી ગયા હતા.
