ફ્લોરિડા બીચ પર રેતીની કારથી ટ્રાફિક-જૅમ ક્રીએટ થયો
બીચ પર રેતીની કારથી ટ્રાફિક-જૅમ
સામાન્ય રીતે બીચની રેતીમાં લોકો જાતજાતના કિલ્લાઓ અને પોતાને ગમતા શિલ્પો બનાવતા હોય છે, પણ અમેરિકાના ફ્લોરિડા શહેરના માયામી બીચ પર એક આર્ટિસ્ટે અનોખું ઇન્સ્ટૉલેશન ઊભું કરી દીધું હતું. આર્જેન્ટિનાના આર્ટિસ્ટ લીએન્ડ્રો એર્લિચે બીચની રેતી પર રિયલ સાઇઝની કારના સ્કલ્પ્ચરનો ખડકલો કરી દીધો હતો. તેણે ૬૬ કાર એવી રીતે બનાવી હતી જાણે ટ્રાફિકમાં ફસાઈ ગઈ હોય.
આ પણ વાંચો : બિકિની રાઉન્ડમાં મિસ ફ્રાન્સ રૅમ્પ પર જ લપસી ગઈ, તેણે ઊઠીને કહ્યું...
ADVERTISEMENT
વચ્ચે એકલદોકલ ટ્રકો પણ મૂકી હતી જેથી દૂરથી જોઈએ તો લિટરલી ખીચોખીચ અને જરાય ટસનો મસ ન થતો હોય એવો ટ્રાફિક હોય એવું લાગતું હતું. આ કારોનો ખડકલો હજી પંદરમી ડિસેમ્બર સુધી લોકોને જોવા માટે રાખવામાં આવશે.