ઓડિશાના ટાઇગર રિઝર્વમાં જોવા મળ્યો દુર્લભ કાળો વાઘ
બ્લૅક ટાઇગર
તાજેતરમાં ઓડિશાના મયૂરભંજના સિમલીપાલ ટાઇગર રિઝર્વમાં ફરવા ગયેલા ફોટોગ્રાફર સૌમેન બાજપેયીના કૅમેરામાં એક કાળા વાઘની તસવીરો ઝડપાઈ છે. આ બહુ જ દુર્લભ મનાતો મેલાનિસ્ટિક ટાઇગર જાતિનો વાઘ છે.
ADVERTISEMENT
સોશ્યલ મીડિયા પર પોસ્ટ કરવામાં આવેલો બ્લૅક ટાઇગર આમ તો બેન્ગૉલ ટાઇગર જ ગણાય, પરંતુ તેના જુદા રંગ ઉપરાંત કદમાં સહેજ નાનો હોવાથી એને મેલાનિસ્ટિક ટાઇગર કહેવાય છે. જીનેટિક ડિફેક્ટને કારણે તેના શરીર પરના કાળા પટ્ટા વધારે પહોળા હોવાથી વચ્ચેના નારંગી પટ્ટા લગભગ છુપાયેલા રહે છે એથી એ વાઘ આખો કાળો દેખાય છે અને એના ચટાપટા દેખાતા નથી.
સૌમેન બાજપેયી પક્ષી અને વાંદરા નીરખતા હતા ત્યારે અચાનક કાળો વાઘ તેમની દૃષ્ટિનો વિષય બન્યો હતો. ઘડી બે ઘડી માટે તો તેમને તેઓ શું જોઈ રહ્યા છે એ જ સમજાતું નહોતું. વાઘ ઝાડી-ઝાંખરા વચ્ચેથી નીકળીને થોડી ક્ષણોમાં ફરી અંદર ચાલ્યો ગયો એટલા વખતમાં તેમણે કેટલીક તસવીરો લઈ લીધી હતી. ઠીક-ઠીક વિચાર કર્યા પછી એ મેલાનિસ્ટિક ટાઇગર હોવાનો તેમને ખ્યાલ આવ્યો હતો.