તેલંગણમાં છે જબરો ટ્રમ્પભક્ત, બનાવ્યું છે મંદિર અને રોજ કરે છે પૂજા
ટ્રમ્પભક્ત
આવતા અઠવાડિયે અમેરિકન પ્રેસિડન્ટ ડોનલ્ડ ટ્રમ્પ અમદાવાદ આવવાના છે ત્યારે ટ્રમ્પસાહેબ જબરા ચર્ચામાં છે. ટ્રમ્પને ધિક્કારનારા લોકોનો કોઈ તોટો નથી, પણ તેના ચાહકો અને ભગવાનની જેમ પૂજનારા પણ અનેક છે.
ADVERTISEMENT
આપણા જ ભારતના તેલંગણ રાજ્યમાં હૈદરાબાદ શહેરથી ૧૨૦ કિલોમીટર દૂર આવેલા જન્ગાવમાં બુસ્સા ક્રિષ્ણા નામના ૩૩ વર્ષના ખેડૂતે પોતાના ઘરમાં ડોનલ્ડ ટ્રમ્પનું સ્ટૅચ્યૂ મૂક્યું છે. આ સ્ટૅચ્યૂને ભાઈસાહેબ મંદિરની જેમ ટ્રીટ કરે છે. ખેડૂતભાઈ એટલા જબરા ટ્રમ્પભક્ત છે કે ફૂલોની માળા ચડાવવા ઉપરાંત ભોગ ધરાવીને ચરણસ્પર્શ પણ કરે છે અને વહાલભરી પપ્પી પણ આપે છે.