ખેતરમાં પાક ઝડપી ઊગે એ માટે ખેડૂતો રાતે ખેતરને લાઇટિંગથી સજાવે છે
ખેતરમાં લાઇટિંગથી સજાવટ
ચીનના ગુઆંક્સી પ્રાંતમાં નૅનિંગમાં લગભગ ૧૫૦ એકરના ખેતરમાં ડ્રૅગન ફ્રૂટ ઉગાડવામાં આવ્યા છે. અહીં ખેતરમાં વધુ પાક ઊતરે એ માટે ખેડૂતો રાતના સમયે રંગબેરંગી લાઇટિંગ ખેતરમાં લગાવે છે. પીળા અને ગુલાબી રંગની એલઇડી લાઇટ્સ ખેતરમાં આખી રાત ચાલુ રાખે છે. પાકને વધુ રોશની મળે તો છોડ પર ફળ-ફૂલ વધુ જલદી વિકસે છે. પિન લી ફાર્મના ખેડૂતનું કહેવું છે કે શિયાળાની શરૂઆત થતાં જ પાકને સૂરજની રોશની ઓછી મળે છે અને એને કારણે ઉત્પાદન ઘટી જાય છે, પણ જો ખેતરમાં લાઇટો સળગાવેલી રાખવામાં આવે તો એની ફસલ વધી જાય છે.