95 વર્ષના દાદાએ એક લાખ માઇલ સાઇક્લિંગ કર્યું
95 વર્ષના દાદાની સાઈકલ સવારી
કૅલિફૉર્નિયામાં રહેતા બૉબ મેટૉર નામના ૯૫ વર્ષના દાદા જ્યારે નોકરીમાંથી રિટાયર્ડ થયા ત્યારે તેમણે એક નવું રોજિંદું કામ હાથમાં લીધું હતું. એ છે પોતાના પૅશનને ફૉલો કરવાનું. ૧૯૯૦ની સાલમાં તેમણે રિટાયરમેન્ટ લીધું એ પછી તેમણે રોજ ૯ માઇલનું સાઇક્લિંગ કરવાનું ડિસાઇડ કરેલું. આ શિરસ્તો તેમણે ૯૦ના દાયકામાં પ્રવેશ્યા પછી પણ ચાલુ રાખ્યો. રોજ સાઇક્લિંગ કરવાની તેમની આદતને કારણે સ્થાનિકોમાં તેમનું નામ પડી ગયું બાઇસિકલ બૉબ. ગયા અઠવાડિયે તેમણે એક લાખ માઇલનું સાઇક્લિંગ પૂરું કર્યું હતું. દાદાએ હજી પણ રોજ નવ માઇલનું સાઇક્લિંગ કરવાનું ચાલુ જ રાખ્યું છે. તેમની ઇચ્છા તો છે કે જીવે ત્યાં સુધી આ નિયમમાં કોઈ બાંધછોડ ન થાય.