Gujarati Mid-day

ઇ-પેપર

વેબસ્ટોરીઝ

વેબસ્ટોરીઝ


હોમ > સમાચાર > ચિત્ર-વિચિત્ર > આર્ટિકલ્સ > બે દિવસથી ભૂખી બાળકીને દૂધ પીવડાવવા પોલીસે ટ્રેન પાછળ દોડ મૂકી

બે દિવસથી ભૂખી બાળકીને દૂધ પીવડાવવા પોલીસે ટ્રેન પાછળ દોડ મૂકી

06 June, 2020 08:21 AM IST | Bhopal
Gujarati Mid-day Correspondent | feedbackgmd@mid-day.com

બે દિવસથી ભૂખી બાળકીને દૂધ પીવડાવવા પોલીસે ટ્રેન પાછળ દોડ મૂકી

આરપીએફના પોલીસ ઇન્દર

આરપીએફના પોલીસ ઇન્દર


ભોપાલમાં ચાલતી ટ્રેનના એક કોચમાં બે દિવસથી ભૂખી બાળકીને દૂધ પિવડાવનારા આરપીએફ ઇન્દર યાદવની તુલના ઉસૈન બોલ્ટ સાથે કરી રેલવેપ્રધાન પીયૂષ ગોયલે તેની સરાહના કરીને છે. કર્ણાટકથી ગોરખપુર જતી ટ્રેનમાં પ્રવાસ કરી રહેલી સોફિયા હાશમી નામની મહિલા સાથે ત્રણ મહિનાની નાની બાળકી હતી. પ્રવાસમાં બે દિવસથી તેને દૂધ મળ્યું નહોતું. સોફિયાએ ભોપાલ સ્ટેશન પર રેલવે-પોલીસની દૂધ માટે મદદ માગી હતી.

આરપીએફના પોલીસ ઇન્દરે બહારથી દૂધ લઈ આવીને સોફિયાને પહોંચાડવાની કોશિશ કરી, પણ ત્યાં સુધીમાં ટ્રેન ચાલુ થઈ જતાં એક હાથમાં રાઇફલ અને એક હાથમાં દૂધનું પૅકેટ પકડીને દોડીને ઇન્દરે સોફિયાને દૂધ પહોંચાડ્યું હતું અને એ આખી ઘટના રેલવેના સીસીટીવી કૅમેરામાં ઝિલાઈ ગઈ હતી. રેલવેપ્રધાન પીયૂષ ગોયલે આ ઘટનાનો વિડિયો ટ્વીટ કરતાં કૅપ્શન આપી છે, ‘એક હાથમાં રાઇફલ અને એક હાથમાં દૂધનું પૅકેટ લઈને દોડતા આરપીએફના પોલીસ-કર્મચારીએ ઉસૈન બોલ્ટને પણ પાછળ છોડ્યો છે. આ ક્લિપની સોશ્યલ મીડિયા પર પણ ખૂબ પ્રશંસા કરવામાં આવી છે. રેલવેપ્રધાને આ પોલીસ-કર્મચારીને રોકડ ઇનામ આપવાની જાહેરાત કરી છે.



વાસ્તવમાં શ્રમિક સ્પેશ્યલ ટ્રેન ૮થી ૧૦ કલાક મોડી પડી હોવાથી એમાં પ્રવાસ કરી રહેલા મુસાફરોને ખાણી-પીણીની તકલીફ પડી હતી, જે માટે રેલવે-પોલીસ મદદે આવી હતી.


Whatsapp-channel Whatsapp-channel

06 June, 2020 08:21 AM IST | Bhopal | Gujarati Mid-day Correspondent

App Banner App Banner

અન્ય લેખો


X
ક્વિઝમાં ભાગ લો અને જીતો ગિફ્ટ વાઉચર
This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK