10 વર્ષથી ભીખ માગતી આ મહિલાના બૅન્ક અકાઉન્ટમાંથી મળ્યા 6.37 કરોડ રૂપિયા
આ બીખ માગતી મહિલાના અકાઉન્ટમાંથી મળ્યા 6.37 લાખ
લેબનનમાં એક મહિલા ભિક્ષુક આજકાલ ચર્ચામાં છે. આમ તો વાફા મોહમ્મદ અવદ સિદોન નામનાં આ બહેન સઇદા શહેરમાં ફુલટાઇમ ભીખ માગવાનું કામ કરે છે અને શહેરની હૉસ્પિટલની બહાર બેસતી હોય છે. ખૂબ સાદગીપૂર્વક તે જીવે છે. જોકે તેના બૅન્કમાં કરોડો રૂપિયાની રકમ છે. આ વાતનો ખુલાસો ત્યારે સામે આવ્યો જ્યારે તે બહુ મોટી રકમ એક બૅન્કમાંથી બીજી બૅન્કમાં ટ્રાન્સફર કરવા માટે બૅન્કમાં ગઈ હતી. તેણે જ્યારે રકમ ટ્રાન્સફર કરવા ચેક બૅન્કમાં રજૂ કર્યો ત્યારે એ રકમ એટલી મોટી હતી કે બૅન્ક પાસે પણ એટલી રકમ નહોતી. તેના અકાઉન્ટમાં ૧.૨૫ અબજ લેબનીઝ પાઉન્ડ્સ એટલે કે લગભગ ૯ લાખ અમેરિકન ડૉલર જેટલી રકમ હતી. આ રકમને જો ભારતીય કરન્સીમાં કન્વર્ટ કવામાં આવે તો ૬.૩૭ કરોડ રૂપિયાથી વધુ થાય. વાફાબહેન જે હૉસ્પિટલની બહાર બેસે છે ત્યાંની નર્સો અને ડૉક્ટરોને જ્યારે આ વાતની ખબર પડી ત્યારે તેઓ પણ અચંબિત થઈ ગયા.
આ પણ વાંચો : એક મહિનાથી ઘરે જ હતી કાર, તો પણ કપાયું ચલણ!
ADVERTISEMENT
વાફા લગભગ દસ વર્ષથી સઇદા શહેરમાં ભીખ માગીને રહે છે. તેની રહેણીકરણી પણ એટલી સાદી છે કે તેની પાસે કરોડો રૂપિયા બૅન્કમાં પડ્યા હશે એ વાત માન્યામાં ન આવે.