1065 કિલોનું કોળું બની ગયું વિશ્વનું સૌથી મોટું પમ્પકિન
વિશ્વનું સૌથી મોટું પમ્પકિન
દર વર્ષે અમેરિકામાં સૌથી મોટા પમ્પકિન માટેની ચૅમ્પિયનશિપ યોજાય છે. આ વર્ષે આ સ્પર્ધાનું ૪૭મું વર્ષ હતું. આ સ્પર્ધામાં દર વખતે ૭૦૦થી ૧૦૦૦ કિલો વજનનાં કોળાની એન્ટ્રી જોવા મળતી હોય છે. આ વખતે ટ્રેવિસ જિન્જર નામના ભાઈએ સૌથી જાયન્ટ કોળાનો ‘સુપર બોલ ઑફ પમ્પકિન્સ’ ચૅમ્પિયનશિપનો ખિતાબ જીતી લીધો છે. ટ્રેવિસે આ વખતે પહેલી વાર સ્પર્ધામાં ભાગ લીધો હતો અને તેણે પહેલી જ વારમાં ફર્સ્ટ પ્રાઇઝ મેળવીને રેકૉર્ડ બનાવી દીધો છે. ટ્રેવિસે મિનેસોતા રાજ્યમાં આવેલા તેને ખેતરમાં ઉગાડેલું કોળું ૧,૦૬૫ કિલો વજનનું હતું. સ્પર્ધામાં ભાગ લેવા માટે ટ્રેવિસે ખાસ ટ્રેલર બનાવીને એમાં ૩૫ કલાકની રોડ જર્ની થકી કોળાને ચૅમ્પિયનશિપના સ્થળે ખસેડ્યું હતું. ફર્સ્ટ પ્રાઇઝમાં તેને ૧૬,૫૦૦ ડૉલર એટલે કે ૧૨.૧૨ લાખ રૂપિયા ઇનામમાં મળ્યા હતા. સ્પર્ધા દરમ્યાન જજીઝે આ કોળાના ટાઇગર કિંગ નામ આપ્યું હતું.