ટૂરિઝમ પ્રમોટ કરવા મકાઈના ખેતરમાં ભુલભુલામણી બનાવીને લખ્યું છે, COVID GO AWAY

Published: 15th August, 2020 07:37 IST | Gujarati Mid-day Correspondent | America

ખેડૂતો પર્યટકોને આકર્ષવા માટે તેમનાં ખેતરોમાં ઊભા પાક વચ્ચે કે અન્ય રીતે એવી ભુલભૂલામણી તૈયાર કરે છે કે લોકોનું એનાથી મનોરંજન થાય છે.

મકાઈના ખેતરમાં ભુલભુલામણી બનાવીને લખ્યું છે, COVID GO AWAY
મકાઈના ખેતરમાં ભુલભુલામણી બનાવીને લખ્યું છે, COVID GO AWAY

ઉત્તર અમેરિકાના અંતરિયાળ ભાગોમાં ખેતીની સાથે ઍગ્રિકલ્ચર ટૂ‌રિઝમ દ્વારા પણ ખેડૂતો કમાણી કરે છે. વિશાળ કદનાં ખેતરોમાંથી પસાર થવાની પર્યટકોને મોજ પડે છે. એમાં મકાઈનાં ખેતરોનું પ્રમાણ નોંધપાત્ર હોય છે. ખેડૂતો પર્યટકોને આકર્ષવા માટે તેમનાં ખેતરોમાં ઊભા પાક વચ્ચે કે અન્ય રીતે એવી ભુલભૂલામણી તૈયાર કરે છે કે લોકોનું એનાથી મનોરંજન થાય છે. કોરોનાથી મુક્તિ માટે લોકો મંદિર, મસ્જિદ, ગુરદ્વારા, ચર્ચ કે સાયના ગોગમાં પ્રાર્થનાઓ કરે છે. ઠેર-ઠેર કોરોનાથી મુક્તિની આકાંક્ષા જુદા-જુદા રૂપે પ્રગટે છે. એ આકાંક્ષા તાજેતરમાં મિશિગનના મકાઈના ખેતરમાં અલગ રૂપે જોવા મળી હતી. ૧૩ એકરનો વ્યાપ ધરાવતા ખેતરના માલિકે મકાઈના છોડવા-ડૂંડા વચ્ચે સફાઈ કરીને રસ્તા બનાવ્યા. એ રસ્તાને કારણે જે જગ્યા બની એ હેલિકૉપ્ટર કે વિમાનમાંથી જોતાં આપણને ‘COVID GO AWAY’ વંચાય. એક પમ્પકિન ફાર્મે એની ફેસબુક-વૉલ પર ઉપરોક્ત શબ્દો ઊભરી આવે એવી ભુલભુલામણીની તસવીરો શૅર કરી છે. મકાઈના ખેતરના વ્યાપ એટલે કે કૉર્ન મેઝનો ઉપયોગ ફિલસૂફીમાં, સાહિત્યમાં અને સામાજિક સ્થિતિને સમજાવવામાં ઘણી રીતે થયો છે, પરંતુ આ ક્રીએટિવિટી જે જુએ તેને ગમી જાય છે.

Loading...
 
 
This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK