બ્રિટિશ સૈનિકની 104 વર્ષ જૂની યુદ્ધ ડાયરી 2,35,000 રૂપિયામાં વેચાઈ
104 વર્ષ જૂની યુદ્ધ ડાયરી 2,35,000 રૂપિયામાં વેચાઈ
એક યુવાન બ્રિટિશ સૈનિકે ૧૯૧૬માં થયેલા યુદ્ધની ભયાનકતા વર્ણવતી એક અંગત ડાયરી લખી હતી. લગભગ એક સદી પહેલાં પ્રાઇવેટ આર્થર ઍડવર્ડ ડિગિન્સે લખેલી આ ઐતિહાસિક જર્નલ મિડલૅન્ડ્સમાં ધૂળ ખાતી મળી આવી હતી. પેન્સિલથી લખાયેલી આ જર્નલમાં પ્રથમ વિશ્વયુદ્ધ દરમ્યાન લગભગ ૩૦,૦૦૦ લોકોના જીવ લેનારા લોહિયાળ યુદ્ધની વાસ્તવિકતા ચીતરવામાં આવી હતી. ૧૦૪ વર્ષ જૂની આ ડાયરીની હરાજી કરનારાઓને શુક્રવારે યોજાયેલી લિલામીમાં ૩૦૦થી ૪૦૦ પાઉન્ડ મળવાની આશા હતી, પરંતુ એના ૨૬૦૦ પાઉન્ડ નીપજ્યા હતા.
આ યુદ્ધ ડાયરીના ઑક્શન સાથે સંકળાયેલા એક અધિકારીના કહેવા મુજબ તેમને કલ્પના પણ નહોતી કે એક અદના સૈનિકની ડાયરી માટે લોકોનો આટલો બહોળો અને ઉત્સાહજનક પ્રતિસાદ મળશે.
