ચીડવતા સહાધ્યાયીઓથી કંટાળીને 9 વર્ષની કિશોરીએ બનાવી ઍન્ટિ બુલિંગ ઍપ
આ 9 વર્ષની કિશોરીએ બનાવી ઍન્ટિ બુલિંગ ઍપ
શિલૉન્ગમાં સ્કૂલમાં ભણતી ૯ વર્ષની એક બાળકીએ સહાધ્યાયીઓ દ્વારા વારંવાર ચિડાવાથી કંટાળીને એક એવી ઍન્ટિ બુલિંગ મોબાઇલ-ઍપ તૈયાર કરી છે જે પીડિતાને આવી ઘટનાઓ વિશે સંબંધિત અધિકારીઓને છૂપી રીતે ફરિયાદ કરવાની સુવિધા આપે છે.
ચોથા ધોરણમાં ભણતી મજોવને નર્સરી સ્કૂલથી જ અન્ય બાળકો ચીડવતાં રહેતાં હતાં, જેની અસર તેના સ્વાસ્થ્ય પર પણ પડવા લાગી હતી. આ પ્રકારની માનસિકતાથી તેને એટલીબધી નફરત હતી કે તે અન્ય બાળકો આનો શિકાર ન બને એ માટે શું કરવું એ વિચારતી રહેતી હતી.
ADVERTISEMENT
ટૂંક સમયમાં આ ઍપ ગૂગલ પ્લેસ્ટોર પર ઉપલબ્ધ થશે, જે પીડિતોને પોતાની ફરિયાદ અને પરેશાન કરનાર વ્યક્તિ વિશેની માહિતી પોતાની ઓળખ છતી કર્યા વિના જ શિક્ષકો, પરિવારજનો કે મિત્રો સુધી પહોંચાડવામાં મદદરૂપ બનશે.
આ પણ વાંચો : કૅન્સરના દર્દીઓની અધૂરી ઇચ્છા પૂરી થાય છે બૅન્ગલોરના કરુણાશ્રયમાં
આ બાળકીના પ્રયાસ બાદ મેઘાલયના શિક્ષણ વિભાગના પ્રધાન લક્ષ્મણ રિંબુઈએ કિશોરી અને તેનાં માતાપિતાની પણ પ્રશંસા કરતાં કહ્યું હતું કે મોટી થઈને આ છોકરી એક જવાબદાર નાગરિક બનશે. મજોવની મમ્મીએ જણાવ્યા મુજબ ગયા વર્ષે સપ્ટેમ્બરમાં તેણે ઍપ ડેવલપમેન્ટ કોર્સમાં ઍડ્મિશન લીધું હતું અને થોડા મહિનામાં તે ઍપ બનાવતાં શીખી ગઈ હતી.
