ગુરુદ્વારા શૂટઆઉટ - અડધી કાઠીએ અમેરિકી ધ્વજ
ADVERTISEMENT
અમેરિકાના વિસ્કોન્સિન સ્ટેટના ઓક ક્રીક શહેરના ગુરુદ્વારામાં થયેલા ગોળીબારમાં છ લોકો માર્યા ગયા હતા. આવતી કાલ સુધી અમેરિકાની તમામ સરકારી ઇમારતો પર રાષ્ટ્રધ્વજ અડધી કાઠીએ ફરકશે.
ગઈ કાલે વાઇટ હાઉસના પ્રવક્તાએ કહ્યું હતું કે અમેરિકાના સમાજમાં સિખોએ આપેલા યોગદાનને યાદ કરવાની જરૂર છે. અગાઉ મંગળવારે ઓબામાએ આ હત્યાકાંડને પગલે અમેરિકનોને આત્મખોજ કરવાની હાકલ કરી હતી. ગુરુદ્વારામાં ગોળીબાર કરનાર એક્સ-આર્મીમૅન વેઇડ માઇકલ પેજ વાઇટ સુપ્રીમસી મૂવમેન્ટનો સમર્થક હતો. હત્યાકાંડ દરમ્યાન પોલીસે તેને પણ ઠાર કર્યો હતો.
