આરેમાં એનઆરઆઇ મહિલાની લૂંટની ફરિયાદમાં પોલીસને શંકા

ગોરેગામ (ઈસ્ટ)માં બુધવારે બપોરે સવા વાગ્યે રિક્ષામાં જઈ રહેલી એક એનઆરઆઇ મહિલાને લૂંટી લેવામાં આવી હોવાની ફરિયાદ આરે પોલીસ-સ્ટેશનમાં ગઈ કાલે નોંધાઈ હતી. પોલીસે કહ્યું હતું કે ‘૩૫ વર્ષની કામિની જોશી બુધવારે તેના બે મિત્રો સાથે વિલે પાર્લેમાં તેની બહેનને મળવા રિક્ષામાં જઈ રહી હતી એ વખતે મોટરસાઇકલ પર આવેલા બે અજાણ્યા યુવકો તેની જ્વેલરી અને રોકડ રકમ ધરાવતી બે બૅગ ઝૂંટવીને નાસી ગયા હતા. આ સંદર્ભે આરે પોલીસ-સ્ટેશનમાં ગઈ કાલે લૂંટની ફરિયાદ નોંધાવવામાં આવી હતી.

આરે પોલીસ-સ્ટેશનના સિનિયર ઇન્સ્પેક્ટર ઉત્તમ મોરેએ કહ્યું હતું કે ‘શરૂઆતમાં આ મહિલાએ ૨૦૦૦ ડૉલર અને ત્રણ તોલા વજનનું સોનાનું બ્રેસલેટ, ઍપલ આઇ ફોન, ટૅબ-૨, ૨૫,૦૦૦ રૂપિયાની સોનાની વીંટીઓ અને સોના-ચાંદીના દાગીના મળી કરોડો રૂપિયા મતાની લૂંટ થઈ હોવાનું અમને કહ્યું હતું. કામિનીનો દાવો હતો કે એ વિદેશથી ત્રણ કિલો સોનાના દાગીના લઈ આવી હતી. જોકે નિયમ હેઠળ ફક્ત ૫૦૦ ડૉલર અને ચાર તોલા દાગીના જ વિદેશથી લાવવાની પરવાનગી છે એથી આ મહિલા પર અમને શંકા છે કે આટલા બધા રૂપિયા અને દાગીના તેની પાસે ક્યાંથી આવ્યા? હાલમાં અમે આ સંદર્ભે તેની પૂછપરછ કરી રહ્યા છીએ. જો આ મહિલા આ દાગીના દાણચોરી કરીને લાવી હશે તો તેની વિરુ¢ અમે કાર્યવાહી કરીશું.’

કામિની ૧૧ નવેમ્બરે ઈસ્ટ આફ્રિકાથી મુંબઈ આવી હતી. લગ્ન પહેલાં તે બોરીવલીમાં રહેતી હતી અને લગ્ન બાદ વિદેશ શિફ્ટ થઈ હતી. આ મહિલા વિદેશમાં બ્યુટીપાર્લર ધરાવે છે.

એનઆરઆઇ = નૉન રેસિડન્ટ ઇન્ડિયન