સચિનનો બંગલો પણ હવે જોવા મળશે મુંબઈદર્શનમાં
- ઉર્વશી સેઠ
મુંબઈ, તા. ૧૪
હાલમાં ટૂર-ઑપરેટરો આ બંગલા સુધી જતા તમામ રસ્તાઓનો અભ્યાસ કરીને યોગ્ય રૂટની શક્યતાનો અભ્યાસ કરી રહ્યા છે. ત્યાર બાદ તેઓ ટ્રાફિક ડિપાર્ટમેન્ટ સાથે વાત કરીને સચિનના બંગલા પાસે થોડો સમય રોકાવાની પરવાનગી પણ માગશે.
જુહુ સ્કીમના દસમા રોડ પર આવેલો અમિતાભ બચ્ચનનો ‘પ્રતીક્ષા’ બંગલો છેલ્લા ત્રણ દાયકાથી મુંબઈ ફરવા આવતા ટૂરિસ્ટોના આકર્ષણનું કેન્દ્ર બનેલો છે અને એનો સમાવેશ મુંબઈદર્શનની ગાઇડમાં કરવામાં આવ્યો છે. અમિતાભની જેમ હવે સચિનનો બંગલાની ઝલક પણ પ્રવાસીઓ જોઈ શકશે.
સચિનનો ૩૯ કરોડનો બંગલો
વર્ષો સુધી પોતાના માટે યોગ્ય બંગલાની શોધ ચલાવ્યા પછી ક્રિકેટર સચિન તેન્ડુલકરે પેરી ક્રૉસ રોડ અને ટર્નર રોડના જંક્શન પર આવેલો આવેલી જૂની દોરાબ વિલા ૩૯ કરોડ રૂપિયામાં ખરીદી હતી. ત્યાર બાદ તેણે આખી ઇમારત તોડીને ત્યાં નવી ઇમારત તૈયાર કરાવી હતી અને તે સપ્ટેમ્બરના છેલ્લા અઠવાડિયા પરિવાર સાથે ત્યાં શિફ્ટ થયો હતો.