અમેરિકાના અર્થતંત્રને પાટા પર લાવનાર બે અર્થશાસ્ત્રીઓને નોબેલ પુરસ્કાર

Published: 11th October, 2011 20:38 IST

અમેરિકાને આર્થિક કટોકટી સામે લડવામાં મદદરૂપ બનનારા બે અમેરિકન અર્થશાસ્ત્રીઓને આ વર્ષનું અર્થશાસ્ત્રનું નોબેલ પ્રાઇઝ આપવાની ગઈ કાલે જાહેરાત કરવામાં આવી હતી. ઇકૉનૉમિક્સ માટેનું ૨૦૧૧નું નોબેલ પ્રાઇઝ ક્રિસ્ટોફર એ. સિમ્સ અને થૉમસ જે. સાર્જન્ટને આપવાની જાહેરાત કરવામાં આવી છે.

 

મૅક્રો-ઇકૉનૉમી પર થતી કાર્ય-કારણના સંબંધની અસર વિશે સંશોધન કરવાને કારણે તેમના પર પસંદગી ઉતારવામાં આવી છે. આ સંશોધને વિશ્વની અનેક સરકારો તથા મધ્યવર્તી બૅન્કોને આર્થિક કટોકટી સામે લડવામાં મદદ કરી છે.

આલ્ફ્રેડ નોબેલની યાદમાં આપવામાં આવતા નોબેલ પ્રાઇઝ અંતર્ગત ઇકૉનૉમિક્સ માટેનો અવૉર્ડ આપવાની શરૂઆત ૧૯૬૮થી કરવામાં આવી હતી. આ અવૉર્ડનું નામ સ્વેરિજિસ રિક્સબૅન્ક પ્રાઇઝ છે. નોબેલ પ્રાઇઝ જુદાં-જુદાં છ ક્ષેત્રો માટે આપવામાં આવે છે. એમાંથી ગઈ કાલે જાહેર કરવામાં આવેલું પ્રાઇઝ સૌથી છેલ્લું હતું.

Loading...
 
 
This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK