ઍપ-બેઝ્ડ ટૅક્સી-ડ્રાઇવરો આજે કરશે ચક્કા જામ

Published: Oct 29, 2018, 03:58 IST

કુર્લામાં સવારે નવ વાગ્યે બધા ડ્રાઇવરોને ઉબરની ઑફિસ સામે કાર લઈને બોલાવવામાં આવ્યા હોવાથી ટ્રાફિક ખોરવાય એવી શક્યતા : અંધેરી સુધી કાઢશે ટૅક્સી-મોરચો

ગયા સોમવારથી ઍપ-બેઝ્ડ ટૅક્સીનું લઘુતમ ભાડું ૧૦૦થી ૧૫૦ રૂપિયાની વચ્ચે રાખવાની અને કિલોમીટરદીઠ ૧૮થી ૨૩ રૂપિયાનો દર આપવામાં આવે એવી માગણી સાથે ઍપ-બેઝ્ડ ટૅક્સીચાલકોનો અઘોષિત બંધ એક અઠવાડિયામાં પ્રવેશી રહ્યો છે ત્યારે આજે આ ટૅક્સી-ડ્રાઇવરોએ શહેરમાં ચક્કા જામ કરવાનો નિર્ધાર કર્યો છે અને અંદાજે ૪૦થી ૫૦ હજાર જેટલી ઍપ-બેઝ્ડ ટૅક્સી છે.

મહારાષ્ટ્ર રાજ્ય રાષ્ટ્રીય કામગાર સંઘના વાહતુક વિભાગે મુંબઈ પોલીસને આપેલા પત્રમાં જણાવ્યા મુજબ ઓલા-ઉબરના ટૅક્સી-ડ્રાઇવરો સવારે નવ વાગ્યે પોતાની ટૅક્સી સાથે LBS રોડ પર આવેલી ઉબરનીઓફિસની બહાર એકઠા થશે અને ત્યાંથી LBS રોડ, કુર્લા-કામાણી માર્ગે‍ સાકીનાકા, અંધેરી-કુર્લા રોડ, ચકાલા થઈને ઓલા કંપનીની ઑફિસ સુધી ટૅક્સી-મોરચો લઈ જશે. આટલી મોટી સંખ્યામાં ટૅક્સીઓ એકઠી થવાની હોવાથી LBS રોડ અને અંધેરીનો ટ્રાફિક પૂરી રીતે ખોરવાઈ જવાની આશંકા વ્યક્ત કરવામાં આવી રહી છે. 

Loading...
 
 
Loading...
Loading...
This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK