2 જુલાઇએ રજૂ થશે ગુજરાતનું બજેટ, સત્ર તોફાની બને તેવી શક્યતા

Jul 01, 2019, 12:40 IST

ગુજરાતમાં આવતીકાલથી વિધાનસભાનું બજેટ સત્ર શરૂ થશે. 21 દિવસ ચાલનારા આ સત્રમાં પહેલા દિવસે નાણાપ્રધાન નીતિન પટેલ ગુજરાતનું બજેટ રજૂ કરશે

2 જુલાઇએ રજૂ થશે ગુજરાતનું બજેટ, સત્ર તોફાની બને તેવી શક્યતા
2 જુલાઈએ રજૂ થશે બજેટસત્ર

ગુજરાતમાં આવતીકાલે એટલે કે 2 જુલાઇથી વિધાનસભાનું બજેટ સત્ર શરૂ થઇ રહ્યું છે. 21 દિવસ ચાલનારા આ સત્રમાં સરકાર રોજગારી,GDP, પાણી, લઘુ ઉદ્યોગો તથા કૃષિ પર પ્રાધાન્ય વધુ રહેશે. સત્રના પહેલા જ દિવસે નાણાપ્રધાન નીતિન પટેલ ગુજરાતનું બજેટ રજૂ કરશે. સરકારના આ બજેટમાં મોદી સરકારના 100 દિવસના એજન્ડ પર વધુ ધ્યાન આપવામાં આવશે. મહત્વનું છે તે આ સત્ર વધુ તોફાની બની રહેશે. કારણ કે સત્ર દરમ્યાન વિરોધપક્ષ પણ સુરત અગ્નિકાંડ, ગુજરાતમાં ખેડૂતોની સમસ્યા અને દલિતોના મદ્દા પર સરકારને દબોચવા માંગશે.

ઉલ્લેખનીય છે કે 2 જૂલાઈથી શરુ થનારૂ બજેટસત્ર વિજય રૂપાણી સરકાર માટે પડકારસ્વરૂપ રહેશે. ચોમાસા બજેટ સત્રમાં સરકાર 2019-20નું સંપૂર્ણ બજેટ જાહેર કરશે. 21 દિવસ સુધી ચાલનારા આ સત્રના પહેલા દિવસ રજૂ થનારા બજેટમાં નીતિન પટેલ નવી જોગવાઈઓ, નીતિએ અને યોજનાઓ રજૂ કરવામાં આવશે. આ સિવાય 7 જેટલા બિલો પસાર કરવામાં આવે તેવી શક્યતા છે. આ બજેટ સત્રમાં સુરત તક્ષશીલા કોમ્પલેક્ષમાં આગમાં મૃત્યુ પામેલા બાળકો અને ખેડૂતોની સ્થિતિ વિશે સરકારને ઘેરવાના પ્રયત્નો કરશે.

નીતિન પટેલ દ્વારા રજૂ થનારૂ આ બજેટ 2 લાખ કરોડની આસપાસ પહોંચી શકે છે. ગુજરાત સરકાર દ્વારા ફેબ્રુઆરીમાં સંપૂર્ણ બજેટ રજૂ કરવાને બદલે વોટ ઓન એકાઉન્ટ રજૂ કર્યુ હતુ અને આગામી છ મહિનાના ખર્ચાની જોગવાઈ પસાર કરી હતી. સામાન્ય રીતે વિધાનસભાનું સત્ર 6 મહિને બોલાવવામાં આવે છે જેના કારણે ચોમાસા સત્રના પહેલા દિવસે બજેટ રજૂ કરાશે.

Loading...
 
 
Loading...
Loading...
This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK