હેલ્મેટ વગર સ્કૂટર ચલાવીને ટ્રાન્સપોર્ટ મિનિસ્ટર નીતિન ગડકરી ફસાયા વિવાદમાં

Published: 26th October, 2014 05:44 IST

ગઈ કાલે નાગપુરના મહલ એરિયામાં RSSના ચીફ મોહન ભાગવતને મળવા જતી વખતે વગર હેલ્મેટે સફેદ સ્કૂટર ચલાવતા યુનિયન ટ્રાન્સપોર્ટ અને હાઇવે મિનિસ્ટર નીતિન ગડકરી વિવાદમાં સપડાયા હતા. નીતિન ગડકરીએ સફેદ સ્કૂટર પર હેલ્મેટ વગર પાછળની સીટ પર એક વ્યક્તિ સાથે સંઘના હેડ-ક્વૉર્ટરમાં પ્રવેશ કર્યો હતો.



gadkari



કૉન્ગ્રેસના જનરલ સેક્રેટરી દિગ્વિજય સિંહે આ બાબતે તીખી પ્રતિક્રિયા આપતાં કહ્યું હતું કે ‘આનાથી નેતા અને પાર્ટીના આચાર-વ્યવહારની ખબર પડે છે. આ બહુ જ સામાન્ય વસ્તુ છે અને બીજું કોઈ આ વાતને આટલું મહત્વ નહીં આપતું હોય, પણ ભારતના ટ્રાન્સપોર્ટ મિનિસ્ટર તરીકે તેમણે જે કાયદાનું પાલન કરવું જોઈતું હતું એ કાયદાનું તેમણે ઉલ્લંઘન કર્યું છે.’

આ ઘટનાને ધ્યાનમાં રાખીને દિગ્વિજય સિંહે ટિપ્પણી કરી હતી કે ‘આ પાર્ટીના લીડરનો અને પાર્ટીનો ઍટિટ્યુડ છતો કરે છે. તેઓ નિયમોનું પાલન કરવામાં માને છે કે નહીં એ વાતનો આના પરથી ખ્યાલ આવે છે.’

Loading...
 
 
This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK