ડ્રોનથી ઘેંટા ચરાવે છે ન્યૂઝીલેન્ડનો આ ગોવાળ
ટેક્નોલોજીનો ઉપયોગ ઘેંટા ચરાવવામાં
ન્યુ ઝીલૅન્ડના ખેડૂતો અને પશુપાલકો હવે હાઇ-ટેક થવા લાગ્યા છે. છેલ્લાં બે વર્ષથી કેટલાક લોકોએ ઓછી માનવશક્તિ ખર્ચીને વધુ કામ મેળવવા માટે આ રસ્તો અપનાવ્યો છે. ડ્રોનમાં લાગેલા કૅમેરાને કારણે ઘેટાં ક્યાં ફરી રહ્યાં છે અને એમને ક્યાં વધુ સારો ચારો અને પાણી મળી શકે એમ છે એ દૂરથી જ જાણી શકાય છે.
ADVERTISEMENT
વળી ડ્રોનની અંદર કેટલાક અવાજો રેકૉર્ડ કરેલા છે. ખાસ તો ડૉગના અવાજો. કૂતરાનો ભસવાનો અવાજ સાંભળીને ઘેટાં એ અવાજથી દૂર જાય છે. એટલે ઘેટાંને જે દિશામાં લઈ જવાં હોય એ ડ્રોનમાં લગાવેલા લાઉડસ્પીકરની મદદથી થઈ શકે છે.
આ પણ વાંચોઃ જાપાનઃમળ, મૂત્ર, લાળ તપાસીને કસ્ટમાઇઝ્ડ વાનગીઓ પીરસશે ટોક્યોની રેસ્ટોરાં
ડ્રોનમાં લાગેલા કૅમેરાને ઝૂમ કરીને પણ જોઈ શકાય છે એટલે માત્ર ઉપરથી જ નહીં, નજીકથી પણ ઘેટાંઓનું મૉનિટરિંગ સંભવ બને છે. કેટલાક ખેડૂતોનું કહેવું છે કે તેઓ પોતાના ખેતર પર બેઠાં-બેઠાં ઘેટાંને ડ્રોન દ્વારા દોરવાનું કામ કરી શકે છે. બાકી ઘેટાં ચરાવવા માટે એક માણસ રાખવો પડે છે અને તેણે દિવસમાં ખાસ્સું ચાલવું પડે છે.