અમેરિકામાં ત્રીસ દિવસમાં ત્રીજી વખત થયું શૂટઆઉટ

Published: 25th August, 2012 09:42 IST

બૅટમૅનની ફિલ્મના શો, વિસ્કોન્સિનના ગુરુદ્વારા બાદ હવે એમ્પાયર સ્ટેટ બિલ્ડિંગ પાસે ગોળીબારની ઘટના  

 

 

 

ન્યુ યૉર્કના ફેમસ એમ્પાયર સ્ટેટ બિલ્ડિંગની બહાર ગઈ કાલે એક વ્યક્તિએ આડેધડ ગોળીબાર કરતાં ખળભળાટ મચી ગયો હતો. આ ઘટનામાં ગોળીબાર કરનાર વ્યક્તિ સહિત બેનાં મોત થયાં હતાં, જ્યારે નવ લોકો ઈજાગ્રસ્ત થયા હતા. ન્યુ યૉર્કના ટૂરિસ્ટ સ્પૉટ તરીકે જાણીતા આ સ્થળે સવારે બનેલી ઘટનાને લીધે લોકોમાં ગભરાટ ફેલાયો હતો. ગોળીબાર કરનારની ઓળખ ૫૩ વર્ષના જેફરી જ્હોન્સન તરીકે થઈ હતી.

 

પોલીસનાં સૂત્રોએ કહ્યું હતું કે ‘જ્હોન્સન નજીકમાં જ કામ કરતો હતો. તેને નોકરીમાંથી  કાઢી મુકવામાં આવ્યો હતો. સાથીકર્મચારી સાથેના મતભેદને કારણે તેણે ગુસ્સામાં આવીને ગોળીબાર શરૂ કર્યો હતો. તેણે સવારે ૯ વાગ્યાની આસપાસ અંધાધૂંધ ફાયરિંગ શરૂ કર્યું હતું. પોલીસે બાદમાં સમગ્ર વિસ્તારને કૉર્ડન કરી લીધો હતો.’   

 

નજરે જોનારાઓએ કહ્યું હતું કે ‘હુમલાખોરનો મૃતદેહ સાઇડવૉક પાસે લોહીથી લથપથ હાલતમાં પડ્યો હતો. આ ઘટનામાં બે મહિલાઓ પણ ઘાયલ થઈ હતી.’

 

અમેરિકામાં છેલ્લા ૩૦ દિવસમાં શૂટઆઉટની આ ત્રીજી ઘટના છે. અગાઉ ૨૦ ઑગસ્ટે કોલોરાડોમાં બૅટમૅનની ફિલ્મના શો દરમ્યાન થિયેટરમાં એક વ્યક્તિએ આડેધડ ફાયરિંગ કરીને ૧૨ લોકોની હત્યા કરી હતી. એ પછી પાંચમી ઑગસ્ટે વિસ્કોન્સિનના ગુરુદ્વારામાં થયેલા ગોળીબારમાં છ લોકોનાં મોત થયાં હતાં.

Loading...
 
 
This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK