26 માર્ચે યોજાનાર પંચાવન બેઠકોની રાજ્યસભા ચૂંટણી સ્થગિત
સંસદ
દેશભરમાં ૨૬ માર્ચે ૧૭ રાજ્યોની પંચાવન બેઠકો માટે યોજાનારી ચૂંટણી ઇલેક્શન કમિશને મોકૂફ રાખી છે. તો બીજી બાજુ ગુજરાતમાં આગામી ૨૬ માર્ચે યોજાનાર રાજ્યસભાની ચૂંટણીને લઈને એક મહત્ત્વપૂર્ણ સમાચાર મળી રહ્યા છે. ગુજરાતમાં કોરોના કેર વચ્ચે રાજ્યસભાની ચૂંટણી મોકૂફ રાખવાનો નિર્ણય લેવામાં આવ્યો છે. કેન્દ્રીય ચૂંટણી પંચ દ્વારા ગુજરાતમાં રાજ્યસભાની ચૂંટણી મોકૂફ રાખવાનો નિર્ણય લેવાયો છે. કોરોના વાઇરસને પગલે આ મોટો નિર્ણય લેવાયો છે.
અત્રે ઉલ્લેખનીય છે કે કોરોનાના કારણે ગુજરાતમાં રાજ્યસભાની ચૂંટણી મોકૂફ રખાઈ છે. અગાઉ ગુજરાત સરકાર રાજ્યસભાની ચૂંટણીમાં મતદાનને હાલ પૂરતું મોકૂફ કરવા કેન્દ્રીય ચૂંટણી પંચને વિનંતી કરવામાં આવી હતી જેના થકી આજે કેન્દ્રિય ચૂંટણી પંચે રાજ્યસભાની ચૂંટણી મોકૂફ રાખવાનો નિર્ણય લેવામાં આવ્યો છે.