સ્થાનિક સ્વરાજની ચૂંટણીની મતગણતરી બે તબક્કામાં થશે

Published: 23rd February, 2021 10:47 IST | Agency | New Delhi/Gandhinagar

એક જ દિવસે મતગણતરી કરવાની અરજી સુપ્રીમ કોર્ટે ફગાવી દીધી

પ્રતીકાત્મક તસવીર
પ્રતીકાત્મક તસવીર

રાજ્યમાં યોજાયેલી મહાનગરપાલિકાઓની સ્થાનિક સ્વરાજની ચૂંટણીનાં પરિણામની મતગણતરી એક જ દિવસે કરવાની અરજી સુપ્રીમ કોર્ટે ફગાવી દીધી છે. સુપ્રીમ કોર્ટમાં કૉર્પોરેશન અને નગરપાલિકાઓ તેમ જ જિલ્લા પંચાયત અને તાલુકા પંચાયતની ચૂંટણીની મતગણતરી એક જ દિવસે યોજવા માટે અરજી કરવામાં આવી હતી, પણ એ અરજી સુપ્રીમ કોર્ટે ફગાવી દીધી છે.  મતગણતરી ચૂંટણીપંચે જાહેર કરેલી ૨૩મીએ જ થશે. પાલિકાની ચૂંટણીની મતગણતરી ૨૩ ફેબ્રુઆરીએ થશે. અગાઉ સ્થાનિક સ્વરાજની ચૂંટણીની મતગણતરી એક જ તારીખે રાખવાની માગણી સાથે થયેલી અરજીને ગુજરાત હાઈ કોર્ટે પણ ફગાવી દીધી હતી. આ અરજી સંદર્ભમાં ચૂંટણીપંચે હાઈ કોર્ટમાં પોતાનો જવાબ રજૂ કરતાં જણાવ્યું હતું કે મતગણતરી અલગ-અલગ દિવસે થાય એમાં અરજદારનો કોઈ કાનૂની કે બંધારણીય અધિકાર છીનવાતો નથી, એથી અરજદારોની પિટિશન ટકવાપાત્ર ન હોવાની રજૂઆત ચૂંટણીપંચે કરી હતી.

Loading...
 
 
This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK