ઇન્ડિયા-ઑસ્ટ્રેલિયા T20 સિરીઝ માટે 14 દિવસનો ક્વૉરન્ટીન-પિરિયડ એક પડકાર

Published: Jul 24, 2020, 11:35 IST | Agencies | New Delhi

ઇન્ડિયા અને ઑસ્ટ્રેલિયા વચ્ચે રમાનારી ત્રણ ટી૨૦ મૅચની સિરીઝ વિશે ક્રિકેટ ઑસ્ટ્રેલિયા ૧૪ દિવસના ક્વૉરન્ટીન-પિરિયડની સમીક્ષા કરી રહી છે.

ઑસ્ટ્રેલિયા ટીમ
ઑસ્ટ્રેલિયા ટીમ

ઇન્ડિયા અને ઑસ્ટ્રેલિયા વચ્ચે રમાનારી ત્રણ ટી૨૦ મૅચની સિરીઝ વિશે ક્રિકેટ ઑસ્ટ્રેલિયા ૧૪ દિવસના ક્વૉરન્ટીન-પિરિયડની સમીક્ષા કરી રહી છે. હાલના સમયમાં ક્રિકેટ ઑસ્ટ્રેલિયા સરકારી નિયમોની સમીક્ષા કરી રહી છે. ભારતીય ક્રિકેટ બોર્ડના જણાવ્યા અનુસાર ક્રિકેટ ઑસ્ટ્રેલિયાના નિયમોને ધ્યાનમાં રાખીને પ્લેયરોએ ૧૪ દિવસના ક્વૉરન્ટીન-પિરિયડનું પાલન કરવું જરૂરી છે, એવામાં આ ટી૨૦ સિરીઝ કેવી રીતે રમાશે એ ચર્ચાનો વિષય બની રહ્યો છે. બીસીસીઆઇના અધિકારીએ કહ્યું કે ‘કોરોનાને કારણે ઑસ્ટ્રેલિયામાં નક્કી કરેલા નિયમોનું પાલન કરવું જરૂરી છે. એમાં કોઈ બીજો માર્ગ નથી. આ વૈશ્વિક બીમારીનો સૌકોઈ સામનો કરી રહ્યું છે. એવામાં ટુર્નામેન્ટ માટે તારીખો અને આયોજન કઈ રીતે પાર પડે છે એ જોવાનું છે.‌ જો ક્વૉરન્ટીન માટેનો સમય ઓછો કરવામાં આવે તો ટુર્નામેન્ટ માટેનો સમય પણ ઓછો થઈ જશે. અમને એ વાતની ખુશી છે કે પહેલાં કામ શરૂ થઈ ગયું છે. બન્ને ટીમના પ્લેયર્સ એકદમ ફિટ છે. ઑસ્ટ્રેલિયા સાથે રમ્યા બાદ ભારતની ટીમ ઇંગ્લૅન્ડ સાથે રમશે અને એ ટુર્નામેન્ટની તારીખો નક્કી કરવામાં આવી રહી છે. પિન્ક બૉલ ટેસ્ટ કદાચ અમદાવાદમાં રમાઈ શકે છે. બીજી જગ્યા કેવી રીતે ઉપલબ્ધ છે અને પ્લેયર્સના રહેવા માટે હોટેલો અવેલેબલ છે કે નહીં એ પણ અમારે જોવાનું રહેશે. આશા છે કે આ વર્ષના અંત પહેલાં સરકાર તરફથી પણ અમને થોડી ઘણી ચોખવટ મળી રહેશે.’

આ ઉપરાંત ૨૬ જાન્યુઆરી પહેલાં ભારતની ઑસ્ટ્રેલિયા સાથે ટી૨૦ સિરીઝ પૂરી કરીને તેઓ સ્વદેશ પાછા ફરી શકે એવી યોજના બનાવવામાં આવી રહી છે. આ સંભવિત શેડ્યુલને કારણે ઇંગ્લૅન્ડ સાથે ભારત ફેબ્રુઆરીમાં સિરીઝ રમી શકે છે.

Loading...
 
 
Loading...
Loading...
This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK