Gujarati Mid-day

ઇ-પેપર

વેબસ્ટોરીઝ

વેબસ્ટોરીઝ


હોમ > સમાચાર > મુંબઈ સમાચાર > આર્ટિકલ્સ > ભાઇંદર રેલવે-સ્ટેશને લાગ્યાં નવાં સીવીએમ

ભાઇંદર રેલવે-સ્ટેશને લાગ્યાં નવાં સીવીએમ

22 November, 2012 06:51 AM IST |

ભાઇંદર રેલવે-સ્ટેશને લાગ્યાં નવાં સીવીએમ

ભાઇંદર રેલવે-સ્ટેશને લાગ્યાં નવાં સીવીએમ






ભાઈંદર રેલવે ટિકિટ-વિન્ડો પર મહિનાથી બંધ પડેલાં અને પ્રવાસીઓ માટે ત્રાસજનક કૂપન વેલિડેટિંગ મશીનને કાઢીને તેને સ્થાને નવા સીવીએમ લગાવવામાં આવ્યા હોવાથી પ્રવાસીઓએ રાહત અનુભવી છે. આ સીવીએમ બંધ હોવાથી પ્રવાસીઓને અને એમાં પણ ખાસ કરીને મહિલાઓ તથા સિનિયર સિટિઝનોને ભારે હેરાનગતિ થતી હતી, પણ હવે એ શરૂ થતાં પ્રવાસીઓએ આ કામ માટેનું શ્રેય આપતાં મિડ-ડે LOCALનો આભાર માન્યો હતો.


ભાઈંદર સ્ટેશનની ટિકિટ-વિન્ડો પર નજર નાખો તો કાયમ ભારે ભીડ જોવા મળતી હોય છે. તેથી પ્રવાસીઓ સીવીએમ અને એટીવીએમ મશીનનો ઉપયોગ કરે છે. જોકે છેલ્લા કેટલાય મહિનાઓથી આ મશીન બંધ પડીને સડી રહ્યાં હતાં. રેલવે દ્વારા આ બાબતે આંખ આડા કાન કરવામાં આવી રહ્યા હતા તેથી પ્રવાસીઓએ કંટાળીને મિડ-ડે LOCALને આ વિશે જાણ કરી હતી.


અંતે સીવીએમ શરૂ થતાં સિનિયર સિટિઝનોએ રાહત અનુભવી છે એમ જણાવતાં જવાહરલાલ શાહે મિડ-ડે LOCALને કહ્યું હતું કે ‘ભાઈંદર રેલવે-સ્ટેશન પ્રવાસની દૃષ્ટિએ ખૂબ મહkવનું રેલવે-સ્ટેશન ગણાય છે. એમ છતાં કેટલાય વખતથી ભાઈંદર રેલવે-સ્ટેશનનાં સીવીએમ બંધ પડીને સડી રહ્યાં હતાં. લોકોએ કૂપન પર સ્ટૅમ્પ મારવો પડતો હતો એટલે લાંબો સમય આ સ્ટૅમ્પ લગાડવા વેડફવો પડતો હતો, પણ અંતે મિડ-ડે LOCALમાં ૧૩ નવેમ્બરના અંકમાં આ વિશે અહેવાલ આવ્યા બાદ આ મશીનો શરૂ થઈ ગયાં છે. ભાઈંદર સ્ટેશનની ચર્ચગેટ સાઇડની સૌથી મોટી ટિકિટ-વિન્ડો પાસે ચાર કૂપન મશીન મૂકેલાં, જેમાંથી બે મશીન તો હતાં જ નહીં અને બીજાં બે મશીન બંધ પડ્યાં હતાં. એને બદલે હવે ચારેય નવાં મશીનો આવી ગયાં છે. જ્યાં મશીન હતાં નહીં ત્યાં પણ નવાં મશીનો મૂકવામાં આવ્યાં છે તેમ જ વિરાર સાઇડની ટિકિટ-વિન્ડો પાસે રહેલું કૂપન મશીન પણ શરૂ થતાં અમારા જેવા સિનિયર સિટિઝન અને મહિલાઓએ ખૂબ રાહત અનુભવી છે. તેથી ભાઈંદરના બધા રેલવે પ્રવાસીઓ દ્વારા મિડ-ડે LOCALને ખાસ ધન્યવાદ.’

એટીવીએમ = ઑટોમેટેડ ટિકિટ વેન્ડિંગ મશીન, સીવીએમ= કૂપન વૅલિડેટિંગ મશીન

Whatsapp-channel Whatsapp-channel

22 November, 2012 06:51 AM IST |

App Banner App Banner

અન્ય લેખો


X
ક્વિઝમાં ભાગ લો અને જીતો ગિફ્ટ વાઉચર
This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK