મોદી લહર કી સાઇડઇફેક્ટ્સ : NCP, BSP રાષ્ટ્રીય તો MNS પ્રાદેશિક પાર્ટીનું સ્ટેટસ ગુમાવશે

Published: 22nd October, 2014 04:54 IST

પહેલાં લોકસભા અને હવે હરિયાણા તેમ જ મહારાષ્ટ્ર વિધાનસભાની ચૂંટણીમાં મોદી લહેરમાં ભૂંડે હાલ હારેલી શરદ પવારની NCP અને માયાવતીની BSP પાસેથી રાષ્ટ્રીય પાર્ટીનું લેબલ છીનવાઈ જશે અને દેશની સ્વતંત્રતાથી લઈને અત્યાર સુધીમાં દેશમાં સૌથી ઓછી ત્રણ પાર્ટી પાસે જ રાષ્ટ્રીય પાર્ટીનો મોભો રહેશે. આ ત્રણ પાર્ટી છે કૉન્ગ્રેસ, કમ્યુનિસ્ટ પાર્ટી ઑફ ઇન્ડિયા (માર્કસિસ્ટ) અને કેન્દ્રમાં સત્તાધારી BJP.



જોકે પવાર અને માયાવતીની પાર્ટી અનુક્રમે મહારાષ્ટ્ર અને ઉત્તર પ્રદેશમાં પ્રાદેશિક પાર્ટી તો રહેશે જ, પરંતુ રાજ ઠાકરેની MNS માટે પ્રાદેશિક પાર્ટી તરીકેનું સ્થાન પણ જોખમમાં આવી ગયું છે. રાષ્ટ્રીય પાર્ટીનો મોભો ગુમાવ્યા બાદ પવાર અને માયાવતીની પાર્ટી પાસેથી દિલ્હીમાં તેમને ફાળવવામાં આવેલી ઑફિસ પણ છીનવાઈ જશે. રાષ્ટ્રીય અને પ્રાદેશિક પાર્ટી તરીકેનું સ્ટેટસ જાળવી રાખવા પૉલિટિકલ પાર્ટીઓએ લોકસભા અને વિધાનસભાની ચૂંટણીમાં અમુક ટકા મતો અને કેટલીક સીટો જીતવી પડે છે જેમાં નિષ્ફળ જનારી પાર્ટી પાસેથી એનું સ્ટેટસ ઇલેક્શન કમિશન રદ કરે છે. રાષ્ટ્રીય કે પ્રાદેશિક પાર્ટીનું સ્ટેટસ ગુમાવનારી પાર્ટીની નિશાની પણ છીનવાઈ જાય છે.

Loading...
 
 
This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK